créchon
par minloute le, 06/12/2010chéto hier, j avo été délégationné au dernier momint pour aller querre du pain à mon d' ech' carrefour market qui y a à portée d' fusil del mason
j' rinte dins l' boutique j' prinds ché "baguettes" , j' mets cha entre parenthèses , pasque appeler cha "baguette" ou meme "pain" cha tient presque d' l escroquerie ...ale est belle l' baguette, tel' print dins tes mains t arrive al' caisse et as' casse djà in deux ou in tro, cor heureux qui a comme un sachet plastique autour del baquette, comme j' dis à grand mère ché plutot pour pas perde des morciaux sur l' daine entre la caisse et t' carette ...
mais bon ché pas l' sujet d aujourd hui, j' passe d' vant ché légueumes, min coeur y a failli y passer quand que j a vu que l' céleri in boule i éto à 2euros 95, eh mes gins presque 21 francs eune boule d' celeri ........... faut dire qu avec l' neiche qui a qué partout i zont bon dos ichi pour armonter ché prix et pas avec l' dos d' la cuillère à café, mais avec eune louche intiere .....
donc j' passe d'vant ché légueumes et là, j' tompe in syncope , mais pour la bonne causse, y avo du créchon ....
mi j' avo fait mon deul such' créchon, autant in in trouvo cor y a quequ' zannées, autant j avo intindu que chéto asteure interdit pasqu y avo eune bactérie qui s'développo et que cha rindo l' produit imprope à la consommation ..
j' ravisse d' plus près l' barquette, ch' créchon i vient del régin d agen, y a un numéro d' controle sanitaire, ché bon, j' vo l'poids 150 g , y avo d' quo faire 2 fois du créchon, bin j' l a acaté .......
2.25 euros pour 150 g , cha revient à 15 euros l' kilo, aussi cher au kilo qu in rosbeef ...
mais bon , de temps en temps faut s'accorder un peu d' bon timps ....
retour al' mason, où bin sur grand mere ale éto comme l' fosse...septique d' vire qu in pouvo acater du créchon, j' y a montré qui yavo un controle sanitaire d' marqué su l emballache, mais comme ale avo décidé d' raler , ale m a d' mindé ch' prix et là mi j a pas menti, j' fais pas comme elle ( elle at ' dit, ah cha cha a couté pas cher, dans les 119 euros) alors quand qu' at' dit "dans les" , té peux rajouter AU MOINS 50 euros, et quand té li fait armarquer at' dit avec eune tchiote vox d infant "ah bon?"
donc j' a eu dro à "2.25 euros pour d' l' herpe à vache" , j auro pu li dire que justemint chéto pas l' cas vu que chéto cultivé dins l' io, j a préféré rin dire, rester stoique ,sortir ché échalottes , les éplucher , les couper en tchiots morciaus , et préparer m' salate
tout cha pour artrouver l' gout espécial du créchon, créchon qu in acato soit au marché, soit quand que l' monsieur i passo dins ché rues avec sin vélo avec eune énorme sacoche in toile d' jute accrochée à l avant avec des tendeurs
créchon créchon qui criait dins ché rues, j' me souviens qui porto ch' béret, qui avo des pinces à vélo à ses maronnes, et surtout d' ses mains que j' me souviens, ale zétotent toutes crevassées par l' frod et l humidité
t'em fais baffier avec tin crechon , in salate bin sur , mais in bonne soupe au crechon , ché cor miux du moins am'n'avis
( 1 photos)