méthodologie
par minloute le, 10/12/2010in savo que cha allo pas et' facile et qui fallo eune "méthodologie"
in s a dit et in a comminché comme cha, in a choisi un des themes , par exempe l école, et in a travaillé chacun d' s'in coté , pour pas s influencer et aprés in a comparé nos choix respectifs en s' dijant que cha allo d aller tout d' suite
bin nan, in s a aperçu qu in avo choisi certains sujets en faisant parler (trop) nos coeurs respectifs , in avo r'tenu plus d' nos histoires respectives qu in auro du ...
alors in a cangé d' méthote, comme ché mi qui a écrit l' plus d' sujets, j' a d'mindé à Marie Claire d' faire s' selection , après j' a relu tous ché sujets d' un theme, mais en tenant compte d' ses choix, et j' dirais qu in avo pas beaucoup d écarts sur nos listes , par compte in' n a plutot rajouté qu artiré ............
par conte ché vrai qu in a eu la surprisse ,sur certains thémes d avoir des choix complet'mint differents, in a trouvé à chaque fo un point d ancrache pour batir eune liste commune
c' qu in a tenu compte aussi ché d essayer de selectionner le meilleur sujet pour un meme theme, et cha nous est arrivé d en choisir un premier et d' canger en cours d' route pasqu in a trouver un article qui nous paraisso plus complet
in a surtout artenu les sujets qui étotent dans l esprit du site
l' esprit du site y s a décanté, précisé au cours des ans, nous in est pas l' site l' plus technique consacré à l exploitation du charbon dans l' bassin minier, nous in a surtout mis en valeur l' coté coeur ...........
in s a attaché à recueillir , à met' en valeur "l'esprit coron" , à raconter les tchiotes histoires qui mises bout à bout ont fait la grande histoire ....in s interesse souvint à la vie familiale , au gardin, aux loisirs, à la vie d' tous les jours, et in va pas canger asteure, ché not' marque d' fabrique ......