arcette d' chicons, chéto un délice

vlà commint cha a comminché, j avo fait ché courses principales et grand mère ale avo 3 4 bricoles à acater , et in déballant ché courses quo que j' vo ? un paquet d' chicons...alors là j a jué au grand chef , comme ale fait avec mi des coups quand que j' rinte des courses "ouais " que j y dis " t a racaté des endives et y a djà un paquet dinch' frigo , aprés té dit que j' ravisse pas quand que j' fais ché courses mais ti ché po miu"
là, vous comminchez al' connaite grand mère, ale savo pu où s' foute ..... tiete baissée , genou à terre, à l'ver vers mi des ziux d' merlans frits, prete à braire .... si cha avo été l été ale auro dégraffé un bouton d' sin corsache et là j' auro cor été hypnotisé, mais là ché l hiver , alors difficile d dégraffer un pull ............. alors j' m a dis faut qu in in minche rapid'mint, sinan cha allo finir al' poubelle, et mi j'ter del' nourriture, j in a des hauts l' coeur ....

alors à deux, in a trouvé commint qu on allo agrémenter ché chicons...........j' fais d'expret d utiliser ch' nom du nord pasqu ale a toudis cru que j'me forcho à dire chicon au lieu d' chicorée ..........
j' vous explique commint j a fait , avec les consels d' grand mère et m' n idée à mi, j a tout ratoutouillé et cha fait cha

vous prenez eune cocotte, vous mettez d' dins du beurre qu'vous mettez à feu très doux, vous prenez chinq voir ...7 oignons, qu' vous coupez en fines tranches et qu' vous mettez dins l' cocotte, aprés vous mettez d' dins 200 g de poitrine fumée , pi vous prenez vot' kilo d chicon
Là i faut artirer ch' cul du chicon, les feules un peu verte, pi vous coupez cha en fines tranches qu' vous mettez dins l' cocotte .............
bin sur zavez gardé ch' fu très doux , là vous mettez un tout ptit peu plus fort et vous rajouttez un chuque morciau

pourquoi ? pasque ch' chuque i va impécher l' lard , l' oignon et l' chicon d' roussir voir d' bruler, cha va au pire caraméliser
vous mélingez d' temps en temps et quand que vous voyez qui a pu beaucoup d' liquite , j' rajoute eune bonne rasate d'vin blanc , et j' mets ch' fu un tchiot peu plus fort mais infime mes gins

là vous mettez ch' couvercle sul' cocotte, et d'temps un temps , vous v'nez ayonner tout cha , et vous allez vire que l' chicon comme l' oignon cha va rinte du liquite , vous laissez continuer l' cuisson , disons plutot "'un misotache un peu sout'nu mais sans plus) et là au cours del cuisson mi j' rajoutte un peu de jus d' pomme, ché sucré, pi cha coupe le peu d amertume du chicon qui pourro rester
...
Vers la fin del cuisson, in rajoutte eune tchiote brique d' crème fraiche, pi, queque' zecontes avant d' servir, mi j a rajouté du gruyere rapé

vous dire qu ché bon , chéto excellent, in s in pu du tout l' gout amer du chicon : l' oignon,l' chicon, les lardons, du vin blanc l' creme fraique et l' gruyere , tout cha cha fait un sacré mélanche ........
mais l' surprisse chéto ch' midi , quand que j' l a mingé récauffé, alors là, chéto digne d eune grante tape , in tout cas chéto du nanan

ché quoi qu'in vot din ch'plat ,
" du lait battu avec des morcieaux d'pains "
ch'vot cha d'ichi ed' femme a genoux avec des yux ed' merlans frits té pinses a ,,,,,,,,,,,,,,,, té veux nous faire printe des vessies pour des lanternes , ou quoi , in sais qu'ché betot noêl mais quand même