ché mapes suite

pour l école , chéto toute eune organisation, m' mère ale avo confectionné un sac en toile, identique à chti que j ' im'no à l école et que d' dins y avo min gouter pour l' heure d' el deuxieme récréation ....savez l' récréation avant l' derniere heure d étutes , celle que quand qu on éto rassemblé in rang avant d' rintrer dins l' classe, cha sinto l'été, l' odeur des oranches qu in avo mingé juste avant ............

juer aux mapes à l école, yavo deux grantes techniques, soit té juo pour "du beurre" , pour rin , ché à cha que j' jouo mi, comme cha meme si té perdo, té gardo tes mapes , chéto l' technique des jueux médiocres ou moyens , ou alors t in avo qui juotent "d' compétition" , et là chti qui gagno i récupéro soit tin boulard, chal' grosse bille, ou alors eune paire d' mapes dont l' nompe i éto conv'nu à l avinche

chéto souvint l' tactique des "grands" , savez ceux d' CM2, faut dire qui zavotent pas trop d' maux à gagner conte ché pitits , pi meme si i perdottent sur eune partie, i savotent t' faire comprinte qui fallo eune revanche .......tout cha pour qui gane in fin d' compte

nous in avo pas juer avec eux, in juo dins not' coin ou si in voyo qui zinsistotent d' trop in s arringeo pour aller juer près d' ché zinstituteux et là této sur que ché grands i v'notent te pas t imbeter ......

dins min sac in toile, j avo d' abord ché vieles mapes qu ale venotent d' min frère ainé, in les appelo des mapes in terre , alors que chéto souvint un mélanche d' chaux et d' cimint , mapes d un aspect bin triste , unicolores .............alors qu in avo ker celles in verre, ché zagates , celles qui avotent un dessin à l intérieur, avec un dégradé d' couleur ...................

cha ché quand qu on éto sache, in avo dro à aller avec manman à mon d' ché Defernez, rue Anatole France ,mercerie, articles funéraires, et articles d' école

Louisse Defernez, l' seule qui tenno vraimint l' barque du commerce , ale faijo du "cross marketing" avant l heure ..... mais quo cha n' est que du "cross marketing" , bin ravisez dins ché magasins et souvint dins ché magasins d' bricolache, in vo des déchintes d' produits accrochés les zuns aux zautes, souvint in vo des déchintes d' metre ou sachets d' vis, pour que ché gins i zoublient pas d' les acater
Bin Louisse ale avo fait cha, té pouvo pas les louper, ché chapelets d' mapes in verre, dins leur sachet in filet d' plastique vert accrochés les zuns aux zautres l' long d eune étagère bin visipe

aprés si in éto vraimint sache in avo dro à acater un boulard, voir un calot ......

Bin Minloute t'as dû certain'mint juer avec mes billes in terre que j'avos perdues avec tin frère Jean-Marie in allant à l'école, cha s'passot toudis dins l'rue ed Denain, passe qu'i y avot cor de l'terre el long d'chés barrières d'chés gardins, ou du côté de ch'terrain d'foot in face, in juot sus l'terre jusqu'à ch'fournil qui étot presqu'in face de l'maison d'Monsieur Wacheux. Mi aussi j'avos mes biles dins eun' malette comme pou ch'goûter d'chinq heures, j'sins cor l'odeur ed chés oranch' et de l'tartine copée in deux avec deux carrés d'chocolat, cha r'vient à min nez.

mi j'su pas certain mais y m'sempe qu'in avot pas l'drot d'juer aux mapes din l'cour , j'vas d'mander cha a jean marie , li yé comme ti y s'rappelle ed' tout
par conte un juot tout long d'el route pour aller a l'ecole , et un etot souvint farcé , et bin sur ech'dirlot y nous prenot tous nos mapes , in fos , 2 fos , mais pas trois , in les muchot avant d'rintrer , pour ches couleurs j'su pu certain mais y m'sempe qu'in d'avot plusieurs couleurs
j'avos 2 voisins in face d'em maison , yavot 2 garchons , y v'nottent toudis em'querre pout juer et a chaque fos ej'les rognot , y arvenottent 1/4 d'heure plus tard avec des sous , chetot pas des francs mais bin des sous , y m'racatotent le mapes , et cha arcomminchot , j'etos un CHAMPION

cha yé j'ai eu confirmation par jean marie , in avot pas l'drot d'juer aux mapes din l'cour ed' l'école , et yavot bin plusieurs couleurs ed' mapes , j'etos pu sur ed' mi , in peut pas tout savoir , et pi même , a forche in oublie