Les jardinsles protèges cahiers fin
par minloute le, 26/12/2010j' vous a dit dans l' histoire juste avant que m' mère ale arcouvro PRESQUE tous ché cahiers d' l' école , j' a dis PRESQUE , pasqu i yavo 2 cahiers dont ché proteges cahiers étotent offerts par l école
chéto pour l' cahier d' devoirs quotidiens, et l 'aute chéto pour l' cahier d' controle mensuel
pour ch' cahier d' devoirs quotidiens, l' protège cahier i éto offert par l école, chéto un protège cahier in plastique et d' un coloris rouge écarlate
am'mote qui zavotent choisi ch' te couleur comme pour nous faire comprinte "attention danger" apprint tes leçons....
l' étiquette chéto nin eune étiquette j allo dire autocollante comme pour ché proteges cahiers en kraft, pasque djà ale éto pas autocollante i fallo la mouiller comme un timbe , nan là pour l' protege cahier plastique, chéto ch' maite in personne qui avo arcopié not' nom et not' prénom sur un tchiot carton et qui l avo gliché dans l espace transparent prévu à cet effet sul' page d ' couverture
couleur rouche écarlate pour ch' cahier d'devoirs quotidiens, couleur verte pour ch' cahier tant redouté , ch' cahier d' controle mensuel
ch' cahier d' controle mensuel, li chéto comme eune bible, i éto toudis bien tenu, vu que chéto un cahier d' fate, pisqui resto dins l armoire vitrée dech' maite durant tout l' mo, i sorto qu un coup par mo, eune matinée au maximum , entre l' timps d' faire ché controles, que cha so noté par ch' maite , pi corrigé insuite par nous et aprés i artrouvo sin cocon , et ché s' qui expliquo que ch' protege cahier là i sintot vraimint fort l' plastique vu qui passo sin temps dins zin indro confiné
eune fo arrivé en sixieme, chéto en 1971, pour l ouverture du college rostand, qu in a inauguré, est ce que chéto aussi l' souhait du proviseur, mais là in pouvo mete asteure l' protege cahier del couleur qu in voulo, chéto à nous d' tout acater, fini l' cahier d' devoirs quotidien, fini l' cahier d' controle mensuel, tout cha surtout pasque in avo pu un seul maite asteure, mais plusieurs professeurs, et ch' suivi d' l éleffe i éto fait asteure par plusieurs personnes ..........
