ché mapes - El Tour eude France
par fjm le, 27/12/2010Avec chez maps, un jouo au "Tour éd France".
Devant nous maisons al cité des Alouettes, rue Rouget de Lisle à Bully, y'avot un terrain vaque avec une pylone à haute tension au milieu. Chéto not terrain. Cheto pratique parce-que nos mère al nous voiyotent toudi.(chéto pas facile eude faire eule Jacques).
Tous les ins, j'cro qu'chéto à l'époque d'ech tour eude France qu'un y jouo.
Un f'so un circuit din ch'terrain en creusant. Un s'appliquo. Un faiso des bosses, quand l'mape al tombo din un tro, chéto pas facile ed sortir sans que l'bille al sort deule piste.
Pis un f'so l'tour avec nos maps. Un avos chacun un tiot vélo en féralle peinte qu'un méto à l'place ed not map.J'tis qu'y'arrrivo premier, y gagno les vélos des ots si je m'rappelle bein.
Y'avo des vélos qui avotent perdu leur couleurs. Y z'étotent gris avec des reste eude couleur.
J'éto un grand momin pour nous dans l'année.
Quin chéto fini, in arboucho l'circuit pis un arcomencho l'année d'après.
Un rintro minapes, les g'noux et les mains pleins d'terre, mais contins et heureux.
bin nous aussi in y juot mais pindint tout l'bonne saison , quand in n'avot marre ed' juer , au long , ou au tros , au trianque , in s'rabattot d'su el tour ed' france , j'usqu'a n'd'attraper des souflettes à ses dogts , mais cha nous impéchot pas d'arcommincher el lendemain
par fjm le, 29/12/2010Cha nous rajeuni pas tout cha !
Hein min camarate !