début d' nouvelle année

seuls ché ziux i dépassent del couverture, in reste bin au caud,pas grinmint d' passaches d' carettes, si, d' temps in temps un klaxon poussif qui a djà du fonctionner un bon momint pour annoncer durant la nuit l' passache al' nouvelle année
d' abord in avo intindu pas mal d' carettes passer rue anatole france juste aprés minuit avec ché "trompettes" , pi pu rin, aprés y a bin intindu vers 5h au matin deux tros klaxons poussifs, mates d' sonner in permanence , qui raccompagnotent leurs maites tout aussi mates au volant del carette ........pi pu rin

j intinds l io qui court dins les radiateurs , drole d' systeme cha, machines rimplies d io amemée par ché canalisations, systeme compliqué (à mes ziux) qui necessito l intervention réguyere d' min père , qui devo passer eune fos d' temps en temps avec s' pince et s' bassine pour purger ché radiateurs .............

cha y est , in a cangé d' année, in espéro en secret qui yauro des cang'mints visipes au fait d' canger d' année ...
rin, y a pas eune journée qu ale arsempe plus à l année derniere que celle dech' premiere journée de cht année ...rin vient nous dire dins l' nature qu in a cangé d' année,ché moniaux par exempe , ceux qui attintent djà dins l'cour que m'mère ale jette ché miettes d' pain , i savent te pas qu in a cangé d année , preuffe que ché bin eune invention des grantes personnes ...
j' reste toudis au lit, j intinds m' mère déchinte l' escayer, ale va préparer ch' café , min père i suivra dins chinq mineutes
aprés j' va intinte l' bruit du robot qu' m' mère ale utilisse pour presser ché oranches et m' préparer min jus pour quand que j' va m' lever

j' reste au lit, nouvelle année, cha veut dire aussi que taleure in va aller à mon d' mamatante faire ch' grand repas d'nouvelle année qui réunit eune grante partie d' nos 2 familes
nan ché pas cha que j' pinse, j' pinse que ché aussi bientot l' artour en classe....bin d' main meme

l' journée d ' hier cha a été consacré à ché dernieres révisions, à armette au carré l' contenu d' min cartape, et réciter d'vant m' mère , enfin en entier et sans hésitations , la récitation d' plusieurs strophes qu in devo avoir appris pour l' jur d' la rentrée

d'main eune fo que j' va artourner in classe, m' mère ale va tout artirer ché décorations d' la noel , et mette ch' l' esquelette d' sapin dehors à coté del viele lessiveusse qui sert d' poubelle, such' bord du trottoir

pour suiffe l avancée del périote d' vagances d' noel, chéto simpe , teut' référo au sapin

quand qu in v'no juste del mette in plache, i éto bin vert, i sinto bon, pi au cours du temps, fallo éviter del' froler pasque cha accelero la chute des zaiguiles

asteure i arsonno plus par endrots à un esquelette , qu à un sapin
zallez dire , mi am' mason in acato des sapins à racines, nous aussi in l a fait, pi un jour in l a planté dinch' gardin et y a pris des diminsions digne d' ses grands frères d' la foret nordique