l' temps du gui

j' sro pas vous dire si chéto avant la fin d' année ou tout juste aprés , qu in avo dro à eune visite espéciale d' Clara
Clara,j ' vous la djà dis chéto eune cousine ou grante cousine à min père, ale éto née en 1906, et j' va vous parler d' cosses qui s' passottent quand que j avo 10 ans , et ché là que j' me dis qu ale avo pas 70 ans à cht époque là et pourtant j' la voyo bin agée

faut dire qu in paraisso plus vite viu, aussi bin bin physiqu'mint que moral'mint, à cinquante ans in commincho à et' viu

j' arviens à min sujet,donc Clara ale nous faijo eune visite espéciale à ch' momint d' la fin d' année, visite espéciale, pasqu' ale veno djà régulierm'int eune fo par semaine al' mason

j' guetto s' n arrivée al' farniete, j' el' voyo déboucher au coin del rue, avec s' démarche chaloupée qu in diro asteure , et un cabas bin rimpli dans chaqu' main comme pour aider as' n équilibre ...............

Clara, rar'mint eune journée intiere as' mason, toudis su les routes, à arpenter ché quartiers d' bruay, so pour aller à pied al' cité 30 vire ses neveux, aller au marché,et ale y allo souvint 2 coups l' meme jour , aprés ale allo toudis ach' dispensaire vire ch' méd'cin, ou aller subir d' zéxamins, prisses d' sang, tension, et j' vous in passe.... aprés ale avo toudis des connaissances à aller rinte visite dins tous ché quartiers d' bruay

c' qui l impécho pas eune fos arrivé à vos masons, d' dire qu ale éto mate d' marcher , d'montrer am' mère ses gampes inmaillotées dins des bandaches , arcouverts par ses bas noirs

Clara ale éto in noir, ale éto in deuil depuis l' miyeu des années 50 ,d' puis l' décés d' sin mari Marcel

Ale avo pas eu d infants avec li , d' abord pasque s' mère ale voulo pas qu as' marie avec chtilale, et qu ale a attindu l' décés d' es ' prope mère pour épouser , à 41 ans sin Marcel adoré
Et à ch' tépoque chéto rare et pas si bien vu qu' cha d' avoir d' zinfants aussi "tard" qu' cha ......

Ale avo à la fo un caractère fort trimpé, et pour tous ché zinfants , eune générosité que j diro presque outranciere ....jamais ale est v'nue al' mason sans quéquosse pour ché zinfants, chéto toudis des tchiotes attintions , j avo dro à chaque visite à min lit' d' jus d' raisin de marque "Chaland", sans oublier un kilo au moins d' oranches ou d' pommes qu ale sorto comme par magie d' un d' ses cabas .....

Clara chéto del famile à min père, mais j a pas grinmint d' souv'nirs d' min père présent quand qu ale éto là, ou plutot y arrivo toudis au cours d'es' visite

Cha faijo un momint que Clara ale éto là, qu ale avo bu eune voire 2 tasses d' jus , raconté au moins l' moitié des chosses qui éto arrivées à toute l' population d' bruay et j exagère à peine ....

Mais y a un coup dans l' année quand qu ale veno, mais chéto en dehors du réveillon, qu' min père i éto là, pasque ale veno pour donner le houx et le gui pour mette al'mason
et j' me souviens qu' min père y éto sensipe à ch' te "cérémonie", i s imbrassottent d' vraimint bon coeur insempe ach' momint là ....

quo qu't'étos bieau minloute , té fais vraimint pas tes 10 ans , din chés bras ed' clara