ch' presse légueumes
par minloute le, 05/01/2011presse légueume ou passe légueume, cha avo 2 voire 3 noms ch' t engin là
comme j' vous a djà dis , quand que j éto tchiot j' suivo avec assiduité les opérations ménagères de m'mère dans certaines circonstances , quand qu ale metto in plache le hachoir à viante en l' coinchant sul' bord del tape , avec , in plus l' plaiji d' vire sortir in bas par l' grille du bas, ché morceaux d' viante asteure hachés qui sortotent d' là tout in s' tortillant ...
mais y avo un aut' appareil ménager qui m impressionno ,chéto l' presse légueumes
cha arsemblo à eune espéce d'insecte metallique avec ses tro grantes pattes , surmonté d' eune espéce d' manivelle ......
j' me souviens d' em mère qu ale préparo l' soupe, in récupérant ché légueumes d' dins l'marmitte avec eune grante passoire , pi in les passant après à travers l' presse légueumes cor tous cauds, in faijant tourner l' manivelle ..
mi j' raviso l' bouillie qui sorto in d' sous et qui quéyo dans eune aute castrole , l' couleur ale vario suivant l' couleur des légueumes, celle qui éto l' plus marquante chéto celle des carottes j' me souviens ........tout cha pour nous préparer d' bonnes soupes , car l' soupe chéto un plat qu in mingeo très souvint, y avo meme des familes qui zin mingeotent aussi bin chaque midi et chaque soir .....
m' mère ale cangeo l' grille j' me souviens et ale l utiliso aussi in presse purée, et là in parle souvint del "purée manman" , in a tous s' "purée manman" au gout inoubliape, au gout inégalé .....des pétotes écrasées auquelles in rajoutto un bon morciau d' beurre ...fameux cha ...........
ché des ustensiles qu on artrouffe cor asteure , quoi que moins souvent , vu qu in jure pu que par ché robots ménagers électrique .............
mais mi min préféré , chti que m' mère as' servo tous les jours, chéto un tout tchiot, chéto un moulin à persil , té metto ch' persil par d'sus, t' armetto par dessus eune espéce d' couvercle , et té tourno in meme temps eune tchiote manivelle , qu au bout chéto des tchiots piquots ...
m' mère ale s in servo aussi quand qu ale voulo faire eune garniture ,un nappache, avec d' l oeuf écrasé .......
ptites anecdotes mais qui nous permettent d' nous zarplonge dins not' passé ..............
Bin nous in l'a cor ch' "passe vite", i y a longtemps qu'in in a racaté un et i nous sert souvint pou passer l'soupe et minme pou faire del confiture ed mures, in a aussi des trucs électriques mais souvint in utilisse ch'"passe vite"
Photo ci-joint
nous in appelle cha un passe vite , el mitant d'min lit ( ché pas d'mi ) al sin sert cor pour faire es' purée bin sur , mais surtout pour faire ses confitures , el grosse différence ach'teur ché qui sont in plastique
par pourageau le, 08/01/2011Cet ustensile indispensable me fait penser à accident survenu à l'arrivée du mixer électrique "Moulinex"dans les années 50 .Au déballage de la machine dans la cuisine ;toute la famllle assiste à la découverte de ce nouvel engin; on le branche: immédiatement,le jeune fils s'en empare et le pose en contact sur sa joue en mettant en marche en disant "ravisez in dirot un rasoir électrique" il s'arracha gravement le visage!!! A L'école et dans le coron du 3 on l'appela ironiquement "Moulinex". La chirurgie esthétique a certainement réparé ce petit drame......
( 1 photos)