Les jardinspour aller à la mer
par Boxerman le, 11/01/2011Bonsoir mes gins
Pour compléter Minloute, j'ajoutro que sur el route ed la mer y'avot plusieurs itinéraires. Y'avot pas l'quatre voies comme asteur. In passot bin par St Pol jusqu'à Hesdin. Ché là qu'in pouvot choisir esse route. Intre St Pol et Hesdin, à Croix en Ternois, à droite in direction d'Hesdin, y'avot un ne potrie avec un avion sur ech toit. El batiment y'existe toudis mais yé abandonné. In armontant à diéval y'avot l'maison des abeilles in contre-bas del route. Bon comme ej'disot à Hesdin t'é traversot el ville. Insuite té pouvot asser par WAiLLY BEAUCAMP - CAMPAGNE LES HESDIN -MONTREUIL SUR MER. Si certains s'rappellent, dinch villache d'la Calotterie in passot devant un catieau avec un étang devant du qu'y'avot des cygnes. Cha existe toudis.
Y'avot un ne circulation ed dingue. Pindant ché vacances, au début et à la fin, pour ché retours, Bruay y'atot complètemint bouché par ché bagnoles. Faut pas oublier qu'à St Pol, sur ech pont, in avot installé des portiques avec feux rouches et feux verts pour alterner el sens ed circulation pour fluidifier ch'trafic. Ché feux n'existent pu.
