min grand père à s' barrière

min pépére et m'mémère, i z'habitotent rue d' Bône ale deuxième porte dusse que ché gardins i donnent devant. i l'i éto toudis. au début chéto des grantes barrières in bos insuite des tiotes in béton s' qui li permetto d' s'assir d' sus. i a vo ker discuter avec ché visins surtout avec Madeleine qui restot in face la reine des pipelettes. quand ale faisot sin rucheau au matin chéto sur qu'ale n'avot jusqu'à midi parel pour ses champes si un a eune personne qui avo l' malheur d' passer au momint qu'ale éto a s' fernête ché sur qui in allo in avoir pour eune heure. ej n'éxagère pas.
pour arvénir à min grand père,chéto s' distraction i n' sorto jamais sauf quand on l'invito à un mariache ou mes pinrints à dîner. à tel point que ses souliers i les à garder d' pus d' trente ans. meme quand i est mort i n'étotent pas incor usés. l'pus souvint i s'in servo, chéto pour aller toucher s'pinsion.
chéto aussi un farceur un cop i a été payer ses impôts avec des pièches d'10 centimes ed francs immballées dins un sachet plastique. ch' l'imployé n'a pas pus arfuser. i nous à raconté tout in s' tordant d' rire nous a que ch' malheureux qui a mis pus d'eune heure pour compter.
i n'avo pas que min grand père toudis "pindu" à s' barrière que cha soit rue d' bône , rue d'Oran ou rue d'Marles et suremint d'autes coron autres que l'3 chéto presque tous les pinsionnés et aussi granmint d' mineurs.
ej va ouvrir eune tiote parenthèse: asteur les gins disent qui n'ont pus l' temps d' faire leur gardins alors j'em pose la question: quemin faiso un mineur après 8 heures d' labeur ou dés fos plusse quand i faisot du rabio?
malheureuseumint ché fini ché dommache parce que cha égayo l'coron, cha l' faisot vife asteur ché chacun pour soi et chacun à s' mason pour n'pas dire à s'baraque!!!
comme d'hab' j'em sus cor éloigné du sujet faut pas m'in vouloir parce que d'eune part j'ai té contaminé par un chti n'aute qui s'arconnaîtra et d'autre part quand ej queminche un récit i a des souv'nirs qui m'arviennent in vrac si cha colle à l'histoire j'in profite pour vous in faire profiter.