ché garnoules l hiver 1
par minloute le, 18/01/2011et cor , ché qu in a del chance quand qu in a fait passer ch' med' cin al' mason
mi j a connu l' temps du qui avo pas d' téléphone al mason, pas si viu qu' cha , chéto en 1978, et quand qui avo quéqu un d' malate et qui pouvo pas s' déplacer, fallo so aller à mon Defernez , l' mercerie un peu plus haut, du qu in pouvo téléphoner à mon du dispensaire , mais l' plus souvint , chéto pratique, chéto min père qui déchindo au dispensaire, prév'nir l' infirmiere , qui elle, arlevo l adresse et l' nom del personne qui fallo que ch' docteur i vienne vire, là fallo pas et' pressé, chéto dans l aprés midi
mais arvenons à ch' pauv' Jacques, y a cor del chance d avoir pu app'ler ch' méd'cin avec l' téléphone, i n aurottent des garnoules qui aurottent dit " t acoute pas, té pas mort, habille te bin et té va ti meme ach' dispensaire" ...
alors cha chéto eune aventure , imaginez vous Jacques , tout fébrile , qui a cor in tiete , l' litanie d' grand mère "faut pas s acouter ", " ah vous ché zhommes dés qui a un pet d' travers " , et l' pire "ah zavez pas accouché vouzautes, ah si chétotent vous , in n auro pas d' probleme d' surpopulation", (que cha inter nous ché un aut' probleme, que ché femmes ale zont jamais compris l' douleur que nous ché zhommes in a à faire des zinfants, mais qu on dit rin , in souffre in silence...)
là parel in avo dro al' visite d inspection tot au matin, pour vire si in éto bin couvert pour aller à mon du dispensaire ...
quand que j' dijo que l inspection chéto tot au matin, ché pasque si té voulo sortir dins ché premiers , ché à dire 9h30 10h , fallo et' là d'vant l' porte du dispensaire vers 8 heures au matin
ouais mes gins , pasque tout l' monte i connaisso l' combine, tout l' monte i attindo l ouverture de ché portes del salle d attente par l' infirmiere, et là l' but chéto d' déposer sin carnet d' santé l' premier sul' tape, aprés ch' suivant i metto l' sien d' sus et ainsi d' suite.....
donc là mes gins fallo pas faire d' chichis du ginre " aprés vous je n en ferais rien", pasque 3 carnets in d'sous du vote cha voulo dire que zin aviez pour eune heure d attente ............
alors pour et' dins ché premiers, ché malates i zattindottent dinch' frod d' vant l' porte du dispensaire , bin avant l ouverture ....