Bruay ou Labuissiere 2

pour nous, au momint que ché fosses ale fonctionnent cor, en grante ville y avo not' Bruay , escusez nous si in est un tchiot peu chauvin, y avo au nord Béthune, qu in avo pas trop ker, pasque chéto eune ville bourgeoisse

meme si yavo eu eune compagnie des mines d' Béthune , chéto surtout dins les environs d' Noeux qu ale exerço.....

yavo aussi Lens , mais chéto loin, pi le RC Lens i éto pas cor célébe .....i juotent cor in division inférieure, et gérard houillez i éto pas cor leu intraineu

pi les temps ont cangé , en fait tout y a cangé aprés la fermeture des mines

j' me souviens d un grand panneau qui éto situé à Labuissiere, su la droite quand qu in v'no d' hesdigneul,aprés le stade, chéto marqué "Bruay en Artois , 33 000 habitants , vous accueille" ..........

depuis la fermeture du dernier puits à haillicourt , l' population ale a pas arrété d' déchinte , et à un momint, ché zélus i zont décidés d'argrouper les deux villes pour cor bénéficier des subventions que Bruay y toucho

pasque si Bruay et Labuissiere i restotent chacun dins leu coin, Bruay i perdo eune partie des subventions, vu qui perdo eune partie d' ses habitants et que ché subventions ale zétotent établies au prorata du nompe d habitants

les gagnants dans ch' t histoire ? aussi bin Bruay que Labuissiere, Bruay a gardé ché subventions, et Labuissiere in n a profité

qui ché qui a eu l' meilleux vision ? in tout cas , l' supermarché Cora (Carrefour au début) qui éto su Labuissiere , y a vu au fil du temps , s' n' emprisse grandir sur toute l' région ..........

ché zautes commerçants i zont compris ptit à ptit que pour vive i fallo quitter l' centre ville d' bruay et aller s installer à coté d' à mon Cora, pour creer " la porte nord "

asteure ché meme devenu comme eune frénésie, cha s' construit d' partout, et meme asteure, ché tout juste si y construisent pas des nouviaux locaux commerciaux dins ch' cim'tiere , j'exagère à peine .............

si fallo entreprinte d ' comptabiliser tout c' que Bruay a perdu comme commerces mes gins, in y s' ro cor à la nuit

l' plus simpe ché d' aller in haut del rue anatole france un sam'di aprés midi, du coté d' chez Ducrocq ch'traiteur , bin la queue in carette al' comminche là, jusqu aux feux des quatres chemins, et cha fait un bout .........

as' deminder si Bruay cha s'ro pas devenu l' satellite , tout du moins économique , d' Labuissiere

mais ché pas miu à Béthune , et y a pas mal d' gins qui viennent aussi acater à la Porte Nord, vu l' nompe d' magasins qui a asteure

ché sur que pour Labuissiere, cha s' ro tout gagnant asteure d ardevenir indépendant, rin que pour les taxes professionnelles ........... bin si in voudro la mort d' bruay in s y prindro pas autremint

pour mi, ché qu ' min avis, ché destins i sont pour toudis liés, et si y a un momint Labuissiere ale a bénéficié d' la manne d' Bruay , si asteure ché l inverse, ché que le juste retour des chosses , et cha s appelle d' l entraide