ch'pain queupé
par Boxerman le, 27/01/2011J'vous diré pas m'nache passe qu'on n'demande pas l'ache à un bio jeune homme comme mi ..
Par conte, j'ai connu el début du pain queupé. Toutes ché boulangeries n'fajot pas du pain queupé. Y'avot certaine Boulangerie qui n'avote pas ed machine. Vous savez, el machine avec un bras sur el côté qu'in saquot pour faire avanché ch'pain.
Et pi un pain queupé chéto plus chère bin sur. A m'aijon mes parints y disotent, nous in n'est point féneant, in sait queuper note pain nous minme. Et pi aussi, 10 centimes pour queuper du pain, y s'immertent pas. Et y'avot aussi l'excusse d'vire el pain qu'in aquatot.
Em grand mère a l'aquatot du pain queupé. J'mé rappelle que sur l'imballache chétot marqué 'ar f'ermer bin l'sac après après pris in n'tartine' ou un truc din ch'genre là. Par conte, sur el côté chétot inscrit "Pain boulot, vendu sur commande". Asteur, demante à un jone d'ète couper in n'tartine din z'un pain, té va vire el dalache. Mi j'préfère aussi in n'bonne "briffe" plutot qu'in n'tartine ed pain queupé.
Mais bon, cha minche pas d'pain bin sur.. Quoiqu'in n'a qui miche leur pain blanc... Et qui vont peut être avoir un pain din leur gamelle... Té sait qu'à l'armée j'nai pris des pains, et eux, y zétotent pas queupés..
Allez, é j'bos m'soupe et j'va m'couqué.