l' télé fallo et' patient

j' vous parle d un temps que les moins de 20 ans ne peuvent te pas connaite , la télé inch' temps là, fallo avoir des bras .....

chéto du temps del télé en noir et blanc

ouais mes gins, pas d' télé commante,pour choisir, pour seurfer comme in dit asteure...
j ' vous passe les détals du cang'mint d' chaine, qui éto sous la haute autorité esclusiffe d' min père ........ j a djà traité du sujet ....

mais ché vrai qui fallo et' patient...
pasque croyez pas que l' imache ale arrivo tout d' suite eune fo qu in avo alleumé ch' poste , ah bin nan nan

nous invo durant un temps eune espèce d' boitier qui éto sous l' télé, j' me d'minte mais j in su pas sur si chéto pas un adaptateur 220 volts 110 volts, in tout cas fallo qu' min père i alleume d abord ch' boitier là, yavo eune lumiere verte qu ale s allumo
pi y attindo quequ' s'gondes, pi i allumo such' bouton d' marche d' la télé

croyez pas qu' l imache ale arrivo comme asteure à eune vitesse grand v par ché satellites, ché cabes souterrains, et j' eun' sais pas quo...

nan nan, cha parto d' paris, cha prenno eune paire d' relais, pour arriver à l'antenne d' bouvigny qui nous rinvoyo cha dans la foulée, enfin la foulée , chéto des ptites foulées car t atindo bin 5 à6 s'gondes avant que l imache al' arriffe

et cor quand que j' dis que l imache ale arriffe, d' abord té voyo souvint eune line blanque au miyeu d' tin écran, pi l imache ale arrivo, mais comme ale avo fait un grand voyache, i ly fallo in tchiot momint pour qu as cale bin dans l écran...

savez comme ché gins qui ravissent bin commint qui vont et du qui vont s assire et qu' cha dure un momint , pour l imache chéto parel, ale arrivo souvint d' guingois , i li fallo bin cor 3 s'gondes pour qu as' cale bin

aprés t avo ch' miraque si t avo ch' son in meme temps .....

ah cha y est qu in s' dijo, ché bon, à part bin sur si t avo alleumé t'télé un tchiot peu trop tot ...

ouais mes gins, ya pas si longtimps qu'cha on l oublie vite que l' télé ale émet jur et nuit , in continu

nous in a connu meme l' temps qu ale démarro vers 12 h , qu ale s arréto vers 15h, pour arcommincher vers 17h et finir à 23 h ..........

donc si t ouvro tin poste à l avinche, té raviso l 'horloche , j' me souviens d' min père qui ralo, cha cangeo pas zallez dire, et qui dijo "ah i dorment te cor à bouvigny"

faut dire qu à bouvigny i zavotent pas eune bonne réputation, pasque dés qui avo un souci , eune panne al' télé, in crio tous d un coup "hooooooo" et juste aprés "ché cor l' faute à bouvigny" aprés si cha duro chéto " quo qui font à bouvigny , y dorment te ?"

vous m' direz i leur été arrivé un coup , véridique mes gins, i zémétotent l' programme national, mais eux i ravisotent un film un peu "osé" , et i s'sont trompés d' manettes à un momint et ché l'film osé qui a été diffusé in partie

l' boitier que minloute i parle cha s'applo un survolteur. chéto pour avoir eune meilleur imache i fallo tourner en bouton jusqu'a s' que l'aiguille à s' mette au miyeu, insuite cha été plus perfectionné, chéto automatique. in quelle année cha a disparu j'en sauro pas vous l' dire.
i a un souv'nir qui m'arvient ej pinse que vous avez tous connu cha.
chéto quand i avo eune tempête et que l'antenne such' toit ale tourno. i avo pus qu'aller deminter ach' marchand d' télé qui vienne l'arrégler. asteur cha n'risque pus d'arriver.
j'ai connu l' télé avec eune seule chaine. quand ej pinse qu'asteur j'in ai pus d' 200. el pus pire ché que ej ne l'ravisse pus.

Minloute, ch'étot pas un engin comme sus l'photo chi d'sous et à côté du poste qu'in avot à ch'momint là, i avot bien un bouton à tourner. Cha dot ête dins les années 50, après in l'a mis avec l'télé.
Nous in ap'lot cha un survolteur.
J'me rappelle pus quand ch'est qu'in a eu l'220.

mi chéto un boitier rectangulaire, comme un transfo et qui éto posé au niveau inférieur d' la tape du meupe d' télé

chéto del tale d eune boite ed chaussures arliée au poste ed télé par eune prisse , yvo un bouton et quand que chéto alleumée , yavo eune leumiere verte qu ale apparaisso

pour mi, j' pinse que chéto un transfo , pasque j' me souviens qu in coup in a eu la visite d' quéqu un à mon avis d' stricité d' france , et qu in a v'nu j' cro que chéto pour qu on dresse l' liste des zappareles en 110 volts qui avo dins l' mason

mi j pinse que cha devo et' tout début 1970

Bin ouai mes gins pour allumer el télé y fallot ech genre d'apparel qui s'appelot SURVOLTEUR-DEVOLTEUR.
Chéto l'appareil avec un cadran qui indiquo el voltache, qu'un pouvot ajuster par crantache in tournant ech bouton. In pouvot donc survolter in augmentant ech courant et dévolter in baissant ech courant.
Insuite y'a eu uniquemint ech survolteur qui li, fajot du 220 volts avec du 110 volts automatiquemint. Après y'a eu ech cangemint d'el tension ed 100 volts in 220. Y'a donc pu eu besoin ed survolteur mais in metto el meme genre d'appareil automatique qui fajot donc office d'alimentation stabilisé in 220 volts.
J'mé rappelle d'in n'marque d'appareil qui s'appelot "SABIR" ech l'appareil chéto marqué "SABIR-MATIC".
Ché au momint du cangemint ed tension qu'EDF canjot ché apparels gratuitemint pour passer du 110 au 220 volts. J'précise bin ché apparels qui fonctionnotent uniquemint in 110 vols car in n'avot certains qui avotent un commutateur pour passer ed 110 à 220 volts, ou alors cha es-faijot par fiches derrière ché postes radio.

l'télé , al est arrivée am'maison in 1968, , j'avos déjà 18 ans , toute une enfance sans tv .. pas croyap hein.
y'avot einne famillle tuyau d'poele qu'al n'avot acaté einne vous savez chelle qui fallot mette des sous d'dins pour el faire marcher mais si j'em rappelle bien , cha leur a été artirée pasce que y'avot jamais d'sous d'dins quand ech bonhomme i passot pour artirer chés piéches à la fin du mos...

Ouai d'in em cité àl Bussière y'avot aussi in n'famille qui avotent in n'télé avec une espèce ed tirelire du qu'té metto des sous pour qu'al marche. Génaralemnt in faijo el publicité pour ech genre ed télé din des magazines. Peut ête que chtitalienne al habito din el minme cité equ mi.

bin nous el première télé al la eu din les années 1955 , 56 , chetot vraimint in révolution , et j'su pas certain mais y m'sempe qu'deja ach't'époque la à lens in avot el 220 volts , mais j'ai des souvenirs du 110 volts passe que yavot souvint des coupures ed' courant , et chetot bin avant chés années la