compas rapporteur et companie
par minloute le, 15/02/2011ché en ravisant ch' matin sur l' site internet d' télégohelle, l' derniere leçon d' patois de Guy Dubois, que je ne saurais que trop vous arcomminder (aujourd hui chéto su ché nochères) que j'les a vu accrochés à coté dech' tableau
objets démesurés, instrumints d' torture presque, in tout cas pas sympathique au premier abord, surtout ch' compas et s' pointe in fer
pi quand qu in comparo l' grandeur dech' compas , et du rapporteur, sans parler del' règle ,chéto quand meme grinmint plus grand que c' qu in avo nous dins nos cartapes
là j' vous parle du temps qu in éto en primaire, et in primaire , in avo dro à des compas que chéto j' allo pas dire la simple expression du compas , mais l' version au moins la plus rudimentaire, celle que d un coté chéto eune pointe et que d' l' aute fallo qu in met' un crayon d' bo un peu court , qu in serro avec eune tchiote vis et qui nous permetto , en principe , d'faire des cerques impeccapes ...
ché compas plus sophistiqués, savez ceux qui étotent vindus dans des boitiers plastiques, avec 2 voir 3 pointes à mine différentes, cha cha a été à partir del sixieme, et j' vous in arparlerait un aute coup ....
chéto pas triste nan plus ...
savez quand qu in est tchiot , y a des trucs qu in a pas ker minger, et plus tard in s' dit mais commint que j avo pas ker cha , alors que ché vraimint bon
ou alors meme des matières, mi j' me souviens que tout ce' qui éto "logique" chéto pas m' tasse d' thé in étant tchiot , mi j éto plongé dins ché zaventures d' robinson crusoé
comme in dijo à l école "robinson crusoé, robinson sans cul sans nez"
mais voyez asteure j adore la logique
par conte un truc que j'aurais toudis un hautl' coeur, ché la géométrie ............
d' abord un compas, j 'savo pas faire un rond avec , fallo que j' m arprenne j' sais pas combien d' coups, j arrivo so al' l'ver l' pointe in tournant, soit à toucher l' coté du qui avo l' mine in bo et min cerque i parto in chuchette
par conte au compas , j éto super bon quand qu in y juo al' pich'nette , alors là fallo pas s' faire printe , t' ouvro tin compas tout grand , à euh , 180 degrés ouais ché cha, et t in faijo un sacré couteau d' lancer , et j' peux vous dire que cha rintro bin dans l' plancher in bo del classe ........
alors quand que j' voyo ch' maite sortir l' grande règue et ' ch'rapporteur tous deux d' couleur jaune , j éto pas am' n aisse, mon diu qui m' deminte pas combien cha fait d' degrés quo qui a tracé au tableau
là du vraimint i m épato ch' maite, ché quand qui prenno ch' grand compas et que , avec eune dextérité magistrale, i t' tracho un cerque impeccape au tableau
alors que ti, avec un tout tchiot compas ti arrivo pas sur l' feule qu ale éto à plat sur tin pupitre .......
me parlez pas des angles, j' cro que j éto comme certains angles , j éto "optu", oh vinguette j y comprenno rin de rin , et meme dessiner un angle droit au coin d' deux droites qui s' croissent, j arrivo meme pas à l' dessiner correctemint ............................
que vous dire quand que plus tard, au collège, j' m a apperchu, j' cro que chéto en quatrieme, qui avo cor pire quel' géométrie, chéto eune matiere qu ale éto inseignée par des professeurs in blouse blanque, pour vous dire comme cha devo et' compliqué .....
chéto la technologie ...
voulez vire del chair d' poule ? vous m' dites simplemint "enque de chine" "crayon mine HB" "à réaliser à l échelle" "calcul au pied à coulisse" ...................
un carnache mes gins , un carnache ...
mi ach' t époque là, j éto in montane sur les traces des guides alpins des lives de Frizon Roche , ou cor miu, au miyeu du désert allant vers la montagne aux écritures du meme auteur ....
alors quand qui a fallu , ch' t année là , acater un compas d' competition, que mi j avo toudis du maux avec un compas tout simpe, chéto les seuls cours du que j' raviso m' montre presque en permanence
bin mi l'souvenir ecqu'j'ai d'ech' compas ché qui s'arfermot tout seul , cha faijot comme té dis des ronds qui finichotent un chuchette , ou alors ech' tiot bout d'crayon d'bos qui s'rintiquot , et la incore cha faijot des ronds pas ronds
t'avos d'ja in monte ach't'époque la ?