les Nouvelles Galeries
par minloute le, 16/02/2011j' me souviens cor bin dech' magasin des Nouvelles Galeries à Bruay
chéto tenu , si j' me trompe te pas par mr Denis, i paraisso pas sympathique, enfin j' vous dis cha j' el voyo avec les ziux d un garchon d' eune dizaine d années
i li manquo pas mal d' caveux sus' tiete et i arbatto ché caveux qui li resto sul' coté, sul' partie du crane du que chéto ouaterlo morne plaine
chéto un magasin réputé, chéto un magasin un peu atypique , d abord t avo 2 zintrées
eune par l' rue Léon Doyelles, qu in appelo plutot d' ailleurs "la rue du barbier" , chéto la rue du qui yavo ch' cinéma le Colisée , vraimint eune belle grante salle d cinéma, qu in i jouo aussi d' temps in temps des pieches ed' théatre ou qui pouvo y avoir des concerts d' l' harmonie
mais in va pas commincher à s' plainte sinan in n a pas fini ....
l' autre intrée dech' magasin chéto rue Henri Cadot
ch' magasin i éto découpé in tro, yavo l étache du qui avo eune vendeusse, là in vindo ché vet'mints
au rez de chaussée, yavo toute l' maroquin'rie, ché parfums, ché cosmetiques , ché foulards, et tout cha té payo à chaque coup à eune vendeusse , en fait chéto des ilots du qui avo del marchandisse et eune vendeusse qui in avo la responsabilité
aprés y avo eune partie alimentation, là fallo passer un tourniquet si j' me souviens bien, et la chéto comme eune mini superette
avec du r'cul teut' dit que chéto vraimint un système archaique , et que l ouverture du magasin Carrefour , futur "à mon Cora" , va ringer au niveau des antiquités
quand que t y pinses, si t acato un vet'mint à l étache, té payo à l étache, si té voulo un parfum té payo à eune caisse, et si té faijo tes courses pour minger t arpasso à eune troisieme caisse
j me souviens qui y avo des tous tchiots caddies qui nous semblotent risipes quand qu in avo vu les premiers caddies d' chez Carrefour
in plus, pour s' garer in carette fallo presque aller s' garer sul' place d' l hotel de ville
par conte j' me souviens pu d' c'qui yavo comme commerce in face des nouvelles galeries coté rue du barbier, i devo i avoir un grand batimint et cha a été transformé en parking, mais quo qui avo avant ?
bon pour ch' cinéma, ché pu la peine d' cacher aprés ... y a pu rin, y avo aussi eune bijouterie horlogerie chez Gysels si j' me souviens bin
ché là que j a pu aller choisir m' premiere montre , chéto un cadeau normal'mint pour faire m' communion, et que j a pas voulu l' faire, mais que j a eu quand meme ch' cadeau, mon diu quand qu on y pinse , fallo qui so tolérant avec mi mes parints ....... l' montre chéto eune Yema , j' l a cor , meme si ale marche pu
Oui Minloute i y avot bien eun' horlogerie-bijouterie (j'y ai accaté l'bague ed fiançailles).
Au coin de l'rue i avot amon "Bata" après j'cros que ch'étot eun' maison d'habitation, après l'horlogerie et après pus loin i m'sempe que ch'étot eun' boucherie, i fallot monter deux marches.
Après i a eu l'Colisée et à ch't'heure i a pus rien.