rue Charles Marlard à Bruay
par minloute le, 22/02/2011tiens un souv'nir d' sortie d' catéchisme , quand qu in sorto del tchiote salle qui yavo à coté du presbytere d' la chapelle sainte Barbe, dans l' tchiote cour derriere , in armonto comme des diapes la rue Charles Marlard, in traverso un peu plus haut qu'l' Hopital Sainte Barbe , et y avo , là,j' cro du qui a asteure l' pharmacie mutualiste , y avo un commerce tenue par eune dame
les souvenirs sont vraimint flous, j' sais que ch' magasin i devo djà et' vétuste, et in y avo acaté des boites d' bonbons réglisse dans eune boite metallique ronte, cha arsemblo à du zan voyez, mais in tout tout tchiots morciaux
in avo ker cha, in l acato j' diro pas chacun not' tour, vu qui n avo qui avotent te pas d' sous, mais vu l' nompe qu in éto , au moins eune dizaine, cha permetto d in acater eune boite pi d autes bonbons chaque semaine
j' sais pas si ché pasqu in éto nombreux quand qu in rintro dins ch' magasin mais l' dame ale éto pas trop continte d' nous vire, ou au moins ale faijo tout pour qu in s in ale rapid'mint , ale devo avoir peur du vol am' mote
et in coup , in avo acaté eune boite, in ouve l' boite, ché bonbons réglisse i zétotent tous collés insempe, impossipe d' les minger
in éto cor pas loin, in a fait demi tour, pour que l'dame ale nous cange l' boite, bin ale a jamais voulu, ale avo dit que ch' te boite chéto pas celle qu ale nous avo vindu .....
tout cha pour pas nous rimbourser ...... alors quand que té sort d' eune heure d' catéchisme du qu in t' dijo qui fallo avoir ker sin prochain , et qu' té vo la mauvaise foi et l' injustice ......
min camarate qui l avo acaté y a été artourné avec sin père, qui éto pas comote, bin i zy ont cangé l' boite , alors aprés in y allo pu , pi aprés in a vite rimplaché ché chuques, par un paquet d' saint michel , i n a un qui in ram'no
comme cha , à la fin du catéchisse, in allo finquer eune cigarette, juste au d' sus du ptit pont , sul' voie ferrée entre la rue honoré bouillez , l' rue du qui avo ché files qui voulotent et' cuisinieres ou couturieres, et l' rue d' la gendarmerie, la rue florent et telesphore caudron ......
j 'adoro ch' prénom là "Télesphore" , cha nous paraisso djà d un aut' temps ....
Minloute cha s'ro pas l'boite chi d'sous, ch'étot des cachoux des Killtoïds.
J'in ai cor eun' boite dû qu'is sont tout collés insanne mais is sont cor bons, avec toudis l'minme goût.
In in trouve cor.
( 6 photos)