Décollache...

Chalut Minloute,
Mi, ej' sus in train de m' dire qu' t'as du (vecque el' complicité d' Marie-Claire) ouvrer à ein momint donné de t'vie, à Courroux in Guyane, passque pou choqu' y'est d' chés décollaches ed' fusées, t'es m'as tout l'air ed' t'y connaîte...
Min (modeste) blog, i vient chi ed' faire es' permière "garue" (eun' grimpette, quo !). Ch'a m'fait vraimint caud à min coeur. Passque té sais, comme j' l'à d'jà dit à Marie-Claire, sans vous autes, j' s'ros toudis in train d'écrire mes tiots artiques pou mi tout seu. Et là, ed' vire qu' cha intéresse, ne serait-ce qu'eun' ziquette ed' gins, cha m' motife à continuer.
Alors pou tout cha, incore merci à tizotes et à Histoires de Chtis.
J'a core gramint d' cosses à écrire. Et tant qu' ch'a plaîra, et bein, mi ej' peux t' dire qu' ech' quémin-là, j' continuera à l' suire.
Incore merci Minloute.
A bétôt. Baisses à Marie-Claire.

Amicales pinsées d'un "déracheiné"

PS : ej' t'armercie d' m'avoir rappelé qu' eun' noix ch'a s' dijot eun' gauque, j' m'in rapp'lot pus.

(in réponse à cheule pup' qu' Minloute i m'a fait pou min blog)

faudro arreter d' nous armercier, cha fait "viu chnoque", comme diro eune ancienne voisine, in est comme ti , in a du brin à no cul, té m escusera pour l' formule un tchiot peu triviale

par conte in sait c' que ch'est, les "angoisses" du début , quand qu in fait un blog
Est ce que cha va plaire ? ché l' principale question,in a des doutes , in s' d'mindo avec Marie Claire qui ché qui nous liso
Autant asteure zetes nombreux à écrire sur hdc, autant au départ,j éto presque tout seu ... et in s inquiéto aussi, in s' dijo qu' in "précho dans l' désert"

au début faut et' patient pour que cha décolle, nous in a connu à un momint , j' sais pu la date exacte, eune accelération , en un mo , in avo doublé l' nompe d' visites qu in avo fait durant presque un an avant
cha tient à quoi ?
d'abord comme ins ' dit tous, faut qu' cha plaise ché sur, pasque si t écrit des chosses qui plaisent pas, ché gins i vont passer un coup vire tin blog pi aprés té lé vo pu
aprés faut "entretenir" en articles régulier'mint pour que chti qui vient un , deux , tro coups en 15 jours, i trouffe quéquosse d' nouviau
si té fait pas assez d articles, ché gins i vont s' dire, bin ché toudis la meme chosse, et i vont pu arvenir t' vire ...

mais l' plus dur ché des' faire connaite ...

j' me souviens André quand qui a comminché sin blog chéto parel, pi petit à petit cha a fonctionné
l' plus long pour s' faire connaite mais ché efficace, ché l' bouque à zoreles
quand que t arcommande à quéqu un d aute un nouviau site

aprés té peux avoir des surprisses et j' t' en souhaite, nous in a été contacté par un journalisse d' la voix du nord, que che so André ou nouzautes, et quand que t as un article sur tin blog dins la voix du nord , té peut t'dire que ché un sacré coup d' fouet pour ché nompes d' visites .....
après faut avoir des liens, comme que nous in a d'mindé à André si in pouvo l' met' en lien direque sur not' site , cha permet à chti qui est sur histoires de chtis, d aller directemint vire un aut' site qu in a ker

aprés j' te diro qu en qualité de texte, en densité , ché du solite , enfin ché m' n avis
quand que j' vo cha j' vo qu eune amélioration à faire, ché accompagner ché textes par quequ' photos
j' peux que te conseiller si tel' conno pas , d'aller vire le blog de Jean Marie Klavzer qui s appelle jeangabelou59.skyrock.com
j in a djà parlé , Jean Marie i a aussi eune pleume d' poete, i fait meme l effort d écrire ché textes in patois pi aprés en français
et i accompagne cha d' très belles photos , cha égaie aussi

pour mi ché la seule amélioration à faire, sans quo , c' que t écrit ché très interessant à lire

in a surtout l habitute d' dire , d' critiquer quand ché pas bien, faut surtout dire quand cha parait bien

faut continuer meme si té vo pas ché connections au départ augminter grinmint, c' que té fait ché cor différent de c' qu' on fait ou de c' qu on vo asteure sur l' histoire d' not bassin minier

té vo , ravisse ch' live d' or , y a Christian d''Hersin, un mineur avec 26 ans d' fond qui est bin bénache d'ete quéu su not' site
ché des tchiotes récompenses, des chosses que cha fait chaud au coeur