Forsythia dins ch' gardin

j a artrouvé eune photo qu ale date d' eune dizaine d' années, in y vo ch' forsythia del mason in fleurs, et j a vu que cha dato du mois d' avril

alors que j' vo ichi dins l'sut i sont djà in fleur depuis 15 jurs
ch' forsythia i éto là depuis l' début des années 50, ché vous dire qui savo printe ses aises au mois d'juillet ou au mois d aout quand qu in parto in vacances, i s amuso a arjointe l' dessus del' barraque à gauche
cha faijo comme si in passo sous un tunnel pour aller au gardin
derriere in l' vo y est aussi en fleurs, chéto ch' pommier du japon
fallo faire attintion pasqu i avo queques zépines, ché pommes ale zétotent pas bonnes à minger, par conte, quand que j éto tchiot et qu in juo à la guerre, j' allo m'approvisionner dins ch'l arpe avant d aller dins l' pature plus loin

chéto d' sacrées grenates, toutes tchiotes , bien en main, min père i dijo rin que j ' prenno ché pommes du momint que j' tire pas à travers sin gardin ni dins l' rue du qui yvo les carettes d' garées

plus loin yavo sur la droite in l' devine , un grand lilas, et au fond in vo un bout d' construction

comme j' l a dja dit , in éto l eune des seules masons d' bruay qui avo un garache attenant al' mason, on y accedo par ch' gardin, et un garache construit par la compagnie des mines mes gins ........
tout cha pasque l'locataire qui éto là avant mes parints, chéto un commissaire d' police et i li avotent fait un garache qu in pouvo y acceder soit par la grante porte rue leverrier, soit par l' tchiote porte coté gardin

d' ailleurs j a ker l' rappeler , quand que min père i a eu l' mason, comme i avo pas l' meme statut social que l' commissaire ou que quéqu un qui auro un statut élevé aux zhouillères, (pasque là chéto nationalisé asteure, l' mason i l a eu en 1949......

bin avant qui inménache, y zy ont artiré l' salle d' bain ,et l' baignoire qui éto installée à l étage dans l' pieche du miyeu .................................

i yavo des grilles su ché farnietes au rez de chaussée, vu l' profession du locataire , cha a été artiré

yavo des volets , bin min père y yavo pas droit, cha a été artiré, yavo eune belle pergola avec un rosier, parel , cha a été artiré ................... chéto vraimint del mesquinerie tout cha

ya que ché barraques , construites in briques qui zont pas artiré

mais arvenant à ch' gardin

su la gauche on devine les branques dech' sapin ; comme pas mal d' nouzautes, y a eu eune année du qu in a planté ch' sapin d' noel dins ch' gardin
et 10,20, 30 ans aprés ché que cha a pris grinmint d ampleur ....................

in in vo cor asteure, qui dépassent par chi par là les lines electriques

sur la gauche in vo eune porte ouverte, chéto l' ancienne barraque au charbon, que mi j a jamais connu avec du carbon d' dins pisqu in l' ballo par ch' soupiral d' el caffe quand que ch' camion i v'no l' baller

en fait ch' barraque au charbon j'a toudis connu cha pour et' l' barraque à min père du qui bricolo, un vrai capharnaum, avec ché boites d' clous rouillés qui fallo pas jeter pasque cha pouvo servir un jour .........

par conte juste avant , yavo eune barraque qu in appelo l' barraque au bois et ché vrai que dinch' fond yvo comme eune espece d'coffre du qu' min père i entreposo sin tchiot bos qui servo à alleumer ch' fu au matin

au sol, au miyeu du gardin, ch' passache i éto fait in briques d' beugin, des briquettes réfractaires 3x11x22 cm , am' mote qui avo du avoir cha par l intermédiaire d'mon grand onque qui i travaillo comme expert contape

j' me souviens que tout au fond, ch' passache qui meno au garache , ou sur la gauche à la barraque aux chats, j' vous fais pas un dessin pour vous compreniez pourquo cha s' appelo comme cha, bin chéto nin des briques refractaires qui étotent au sol, mais des bandes epaisses, des larges courroies usagées, qui avo récupéré au magasin central