min coin

chéto eune photo aérienne qui a été publiée dans l' journal "La Voix du Nord"
ché min coin
au premier plan , l' mason qui fait ch' coin à droite chéto l' mason d'mes parints, m' mason
ché du qu in vo l' passage clouté sul' route, l' mason ale regardo vers Bruay

in vo aussi, l' rue de Chatellerault , am' mote que chéto cor plus bas pour ti Marcel

plus loin perpendiculair'mint in vo eune partie d' la rue Raymond Deruy , le long coron, la rue 117 avant la premiere guerre mondiale

asteure ch' coron y a été coupé in deux au niveau d' l école Loubet
ch'te photo ale do dater du début des années 2000, car in vo déjà que ché nouvelles constructions sont in plache dans l' grante pature qui yavo avant su la gauche d' l Ecole Loubet

pour ché gins qui ont habité dins l' coin, in vo bin la rue d' béthisy avec l' peinture blanque autour des farnietes
et l' mason au coin ché l' mason du qui habito Mr Podevin

Nan Minloute em maison in l'vot sus l'photo, alle est dins l'prolong'mint de l'tienne in face dins l'rue d'Chatellerault, ch'est là dû qui a un trou et dû qu'in vot in espèce ed caravane, in s'qui concerne l'date té dos pas ête loin, passe que min père i nous a quitté in 1987 et em mère in 1995 et i y avot pas d'caravane sus ch'terrain.
In s'qui concerne l'pature à côté d'l'école Loubet à m'n'époque ch'étot un terrain d'foot, bien intretenu dû qu'in faisot l'championnat ed chés écoles l'meilleure ch'étot l'école Pasteur, in avot toudis du mau à l'batte, ch'est là qu'j'ai queminché à juer au foot avant d'aller juer à l'U.S.B.. A Loubet ch'étot M. Garbe qui s'occupot d'l'équipe d'foot, in avot un maillot rouch' et mi j'étos dins l'classe ed M. Beugin, j'étos pus jone. I avot eun' porte qui donnot de l'cour ed récréation directemint sus ch'terrain et l'jeudi cha nous servot ed terrain d'jeux, ch'est là que j'me sus battu avec Christian Toursel et qu'in est v'nu nous séparer (j'avos l'dessus) i s'in rapelle peut ête. Mais ch'étot avant qui fasse du poids et qui devienne champion.
A ch'momint i y a l'garchon ed sin bon camarate J. Accambray qui est à Montpellier et qui jut dins l'équipe de hand, mais aussi dins l'équipe nationale, j'ai pas cor pu vire sin père, mais comme is s'arsannent tous les deux.
Voilà s'que j'voulos dire sus tin coin et l'mien. In restot à 150m à peine à vol d'oiseau l'un d'l'aut', ch'est pour cha que j'connaichos tin frère et tes soeurs, ti t'es arrivé bien pus tard. Mais in a été amon du minme coiffeur "chez Noël"
J'connaichos aussi pas mal ed gins dins l'rue Leverrier et bin sûr chés camps au bout de l'rue.