min fourneau

ch' fourneau qu in avo al' mason i li arsemblo comme deux gouttes d io, l' seule différence chéto que l' conduit d' cheminée i éto su la droite
pour mi yavo qu un rond ach' four comme sul' photo, l' aute rond , chti qui éto l' plus important, i éto arcouvert par eune espéce d' couvercle j' sais pas in quelle matiere chéto, pour mi comme del brique réfractaire ou un béton réfractaire , du que d'sus y avo eune poignée in fer ...

mi ch' four ,i servo pu al' mason que pour cuire ché pétotes au four,et in dessert pour ché pommes

quand que j' vo ch' bac à chintes en bas, j el' vo avec les reflets rouches du feu qui passo par ché trous .... in auro dit l' tiete d un monstre ...

par conte j' me souviens pu à quo cha servo l' tchiote plaque in fer à la gauche del' plaque du four

ch' fourneau in l' savo, in nous l avo rabaché et rarabaché quand qu in éto tchiot, qui fallo pas s in aprocher, "attintion al' plaque dech' four" "met pas des dos au bord "
cha m impécho pas "discret'mint" d'invoyer eune paire d' molards sul' couvercle qui avo au d' sus dech' fu, cha faijo "pchittte" et té cha disparaisso avec eune tchiote finquée

fallo faire cha discret'mint eune fo ché parints qui zétoent pu dins l' cuisine sinan gare à ti ...

pi ya eu les rénovations , ch' fourneau y a parti quand qu a s est mis au gasse , pu d' carbon , pu d' corvées d' chintes, bin moins d'poussieres noires dinl' mason...

mais ché vrai qu avec l' temps in vo surtout l' coté nostalgique, comme avec l' cafetiere d café au coin dech' fu, mais y a pas à dire chéto sacrémint contraignant

ch' fourneau là i éto aussi al' mason i a été "sauvé" des rénovations pasqu i éto pas dins l' mason , mais dans l' garache qui avo au bout du gardin, cha permetto à ché anciens occupants d' faire l' buée in dehors del' mason

ducqu'ché qu'tas été ker cha , ché bin l'première fos qu'ech' vos un bazarre parel , chétot installé din l'cour ?

Pour mi Minloute, el tiote plaque à gauche del porte ed' four, chéto suremint en gueulette pour tijoner, in même temps cha servo d'intrée d'air, du moins ech' cro.... bien que l'air al rintro égalemint par el bac à chintes, chéto pas hermétique

comme j' te diso Maurice, l' mason qu' min père y a eu en 1949 chéto un commissaire qui l occupo avant , donc y a eu des "améliorations" qui ont été faites
j' te diso que j pinse qu in devo et' eune des seules, voir la seule mason qui so pas eune mason d ingénieurs, construite par les zouillères , du qui avo un garache attenant al' mason

ch'te photo ale date d' l année derniere , quand qu in a vidé tout c' qui avo dinch' garache

ch' garache i est accessipe par l' gardin ou par l'rue leverrier , et yavo ch' fourneau chéto pour que l' femme d' ménache ale fasse l 'buée in dehors del mason ...

nous aussi in avo un i éto dins l'arrière cuisine quand in habitot rue Basly. i servot à faire bouillir l' lessife.