le skatting
par minloute le, 12/03/2011ch' cinéma le Skatting , j' l a jamais connu ouvert , i eto rue Duquesnoy, in bas del rue Raymond Deruy
2 anecdotes concernant le Skatting
m' mère al l a connu du temps que chéto nin in cinéma mais eune piste d' dance et qu in i dincho le charleston su des patins à roulettes , d ou le nom Skatting ...
et mon mononque André, à la libération, y a sauvé la vie d' la file du propriétaire du cinéma , rue Florent Evrard
si si, i déchindotent à tro quate in direction d' l hotel de ville vu qui yavo des coups d' feu et que mon mononque i faijo parti d un mouv'mint d' resistance et arrivés avant ch' grand batimint qui a sur la gauche quand qu on déchint du pont du 2 , j' sais pu si ché pas l edf ou des services techniques , bref, in arrivant là, i zont vu au bout qui yavo des al'mands in position, et quand qui les ont vu i zont comminché à les viser
ach' momint là, min mononque i a invoyé baller chal' file au d' sus d' l hayure et li i s a planqué avec sin camarate comme qui pouvo à terre
chéto plus des coups d' semonce qu aut' cosse, i sont armontés vite fait dès qui zont pu
mais vous moquez pas d' min mononque, y bravo l' couvre feu au soir
y habito dins l' coin du qui a asteure ché nouvelles masons del rue de ruitz et l' rue dusquenoy
m' tante ale habito rue Anatole France, avec s' mère et s' soeur (m' mère)
mais savez quand qu in est jeune et fringant , in n a peur de rien, et l' soir aprés avoir vu m' tante, i arparto jusqu à l' maison des' mère, yavo que l' passache del rue d' chatel'rault qui fallo faire attintion, tout l' reste i le faijo in passant par ché gardins
et là un coup y a pas passé par l' meme gardin qu' d habitute et y a tombé intier dans eune fosse remplie d' brin, j' vous dis pas dans quel état y a arrivé al' mason des' mère
rigolez pas, ché mon mononque et j' l a ker , pardon très ker
l' preuffe qui avo d' l humour , i éto pas réticent à nous raconter ch' t histoire là
Le skatinch' comme i diso min père, j'avo pa el dro d'y aller, car im' dijo si y a un incendie té pris comme un rat.... ché vrai ess' qui diso mais y avo quand même en' sortie par derrière...
Ché au skatting que j'ai été vir des biaux films quand même , in y féjo aussi des spectacles.. j'ai été vir in coup Lucienne Delille avec ess' nom' al trompette Aimé Barelli, mi qui féjo déjà du saxo, chéto super.... sur google y a des sites sur ché noms....
ché la que j'ai vu mes premiers zorro et tarzan y avo aussi un film a l'époque qui faigeo braire tous ché gins cheto " le voile bleu " si y a des vius qui se souviennent. a ch'tépoque y faigeo l'plein faut dire qui avo pas des films al télévision comme achteur d'ailleurs y avo pas ed television. in preno nos tickets la veille ach café un bas del rue plus bas in montos des marches par terre chéto du plancher.
J'y ai vu aussi Lucienne Delille et Aimé Barelli. Ech su parti ed Bruay in 70 y parait qu'y a eu aprés un atelier ed couture j'peux po el certifier. A l'époque que j'parle in 45 sur 100m y avo 4 estaminets (café)
Le skating , dans les années 1990 il était à vendre , nous sommes allés le voir, notre intention était de faire une salle à louer pour des mariages etc.. quelle déception ce n’était plus le cinéma que nous avions connus en 1950, c’était devenu une ruine, la toiture manque des tôles, plus de faux plafond, plus rien sur l’acoustique mural, plus de plancher, c’était bon à abattre ce qu’a fait le second acquéreur pour faire une maison et un dépôt pour son entreprise, ça a été vite réglé pour nous et faire des soirées , danser à coté des habitations c’était impossible
cordialement Daniel encore des bons souvenirs de jeunesse