la place d' l' hotel de ville

ché l'type d' cartes postales que j a ker, celles qu ale sont colorisées
cha leur donne un charme désuet

bon in n est pas là pour s amuser , cha s' sauro ... ché eune carte postale du qu in vo la place d' l hotel de ville d' Bruay

mi j a pas connu comme cha pasque cha a pas mal cangé depuis ...

ch' monumint aux morts i éto cor du coté du Prisunic, du coté du Cercle, i geno pas cor al' circulation ...............

ché toutes premieres masons d' la rue de la Poste ou si vous préférez rue Emile Chrétien sont cor d' bout

m' grand mère maternelle ale habito avant la guerre avec min père, cor célibataire , dins l' premiere mason qui faijo l' coin del' rue à gauche

min père i m avo dit qui zétotent été aux premieres loges , bin j'veux bin l' croire, i avo été impressionné par ché troupes qui avotent stationnés sul' plache durant 2 jurs, pour li chéto vraimint des troupes d' combats
chéto des jones , des blonds, tout costauds, avec eune allure qui allo bin cangé d' celles d' ché troupes d' militaires français qui allotent bintot défiler mais dans l aut' sens, intourées d' soldats al'mands pour arjointe des camps d' prisonniers en al' mane

ché là aussi qu ale s éto fait du mauvais sang quand qu ale savo qu' min père i devo et' dins l' hotel de ville , et que , à la libération ché ss i sont v'nus pour récuperer quequ' zuns des leurs tombés dins les mains des resistants bruaysiens
j' a la chance d' pouvoir écrire cha, qu in a d'mindé à min père d aller printe des nouvelles de c' qui s' passo au numéro 1 , sinan y a d' grandes chances hélas qui subisse l' meme sort que ché resistants qui étotent à l intérieur du batimint quand qui a eu l assaut des allemands

aut' détail qui fait dire que cha date d un momint ch' te photo, ché que l' cinéma le colisée y a pas l air d' et' construit, in l' vo pas sul' photo, alors qu in comparant avec d 'autes photos aériennes, i devro et' sul' photo si y éto djà construit

et que vous dire du parc qui a derriere l hotel d' ville, mi j' l a jamais connu freumé comme cha