l' lessiveusse
par minloute le, 27/03/2011savez que j acate des vieles lessiveusses à mon Emmaus pour in faire des grands récipients pour y mette des plantes .... faut dire à chinq euros l' grante lessiveusse, ché largemint moins cher que ché pots in terre du meme diamete , pi l' lessiveusse té sur que cha gele pas
in acatant ché lessiveusses i n a qui a cor ch'tupe qu in metto à l intérieur
j a été vire sur internet l' fonctionn'mint del' lessiveusse avec ch' tube, en fait ch' tupe i tenno dro pasqui éto maintenu avec ch' linche posé d' sus
sul' site internet i dissent que chéto simplemint pour faire cauffer l' linche et qu in metto pas d' lessiffe dins l'lessiveusse et qui fallo aprés savonner l' linche et l' laver
mi j' pinso qu in metto l'lessiffe ach' momint là .......
i dissent aussi que chéto que pour l' coton et le lin, que ché linches délicats fallo pas les met' d'dins, c' que j' comprinds, pisque ché mi qui fait l' lessiffe al' mason ,j' su bin plaché pour vous in parler (là j' peux dire c' que j' veux , grand mère ale vient jamais sur histoires de chtis)....
Mes taïons appelotent ch' tube ch' champignon... cha ma marqué !
el' plateau à trous y arposo din'l fond del lessiveuse, et l'tube y véno s'incastrer ed sus. Quand el lessif' al bouillo el pression al féjo armonter el l'iau bouilante au long d'ech' tub', et comme au sommet du tub' autour y avo des trous, el l'iau al féjo un circuit continu pour arroser el linch' à bouillir, ché à dire el blanc .
Bien sur qu'in metto del lessif' din el l'iau, et cha mousso à tout casser.
Après y fallo déchinte el' lessiveuse del cuisinière ou bien d'ech' fourneau, après avec en pinse in bo in récupéro el linch' bouilli qu'in déposo dinl' cuff' del machine à laver électrique avec un moteur à lancer, par en' courroie, y transmetto el mouvement al partie supérieure, et y avo comme un genre ed vilbrequin qui li féjo tourner des pall' dinl' cuff' avec del nouvell' iau caute
et comme toudis del lessif' in poutt', genre persil din des boites in carton, ach' momint là ché baril' ed poutt' y n'existe pas cor.
toucha em' ramenn' din les années 1944/1956, après y avo toudis ché lessiveuses, mais sont apparues les machines à laver électriques, de marque Hover, avec un tiot tambour au fond , qui li féjo tourbilloner el linge pour el laver et pour l'essorer, y avo en essoreuse manuelle à rouleaux, d'installée sul devant
bin ya rin à ajouter , à part qu'j'ai cor ech' t'odeur particulière d'el lieau savonneusse d'sus ch'fu
et pi Jacques , avant chés premières machines z'électriques à courroie din in cuf un bos , yavot chés mêmes machines , qu'deux femmes face a face y faijottent tourner d'el main droite al main gauche , cha chétot du boulot
dire qu'ach'teur y n'da qui s'vante ed' faire el lessif al plache ed' le femme , ché vrai qu'appuyer d'su ch'bouton d'misse un route ché TRES dur pour un homme
ché vrai André , cha s'appellot un champignon , ché drole ch'mot la j' l'avot oublié
( 1 photos)