Dadizelle, j'sus tout artourné
par Boxerman le, 28/03/2011Bonsoir mes gins. Aujourd'hui ej sus allé in Belgique à Brugge. In 'arvénant ech su passé à Dadizelle. J'ai dit à m'femme, si in allo vire ch l'ancien par d'attraction. In n'y a été. J'y sus allé y'a bin 45 ans. Chéto un parc avec tous des manèches mécaniques, des tonios qu'in faijot tourner avec el force ed ses gampes, des balançoires immenses.
Y'a cor el pont d'sinche qui fajot el tour d'ech parc
Ch't'après midi, in arrivant sur el site j'ai cru qu'in m'avot coupé mes gampes. Ch'parc y'é fermé depuis 1975 comme ale dit in affiche.
A l'intérieur, tout est à l'abandon, les jeux qu'in peut vire ed l'extérieur sont toudis sur plache mais invahis par ché herbes et rouillés. Ché murs sont tagués. Cha m'fait pinser à ché mêmes jeux qu'in vot quand y font un reportache sur Tchernobyl.
Bin sur, in 2011, ech parc y'oro été dépassé. Mais y z'aurotes pu faire quettecosse sans laisser cha din z'in état pareil. Ché honteux.
Vous, mes gins, qui avotent connus ech parc à un moment ou in aute ed vote vie. Si vous allez par là, notammint à Floralux ech grand magasin ed fleurs. Poussez jusqu'à ech parc qui est situé à 1 km ed là. Ch'panneau DADIPARC y'est toudis là.
Ej voudro faire aussi un pétit coucou à ceusses qui tiennent des parcs ed loisirs d'in l'Pas de Calais. Faudro qui z'aillent vire el dalache.
Mi personnellemeint, j'in sus artourné.
Si pour ceusse qui ont connu la parc à Dadizelle. Allez sur you tube et tapez Dadipark part 1. et ensuite part 2. Vous aurez une visite guidée du parc à son état de maintenant. Une vrai désolation.