Les jardinslimite de quartiers
par minloute le, 30/03/2011in faijant ch' te meme enquete sur les habitutes d' achat sur bruay, i s in éto dégagé que chaque quartier avo sin ensempe d' commerces pour faire ché courses d' proximité ......
et qu in trouvo au centre ville, des commerces espécialisés comme ché banques, ché bijoutiers, opigez tissus, la presse,la bonbonniere, ché tailleurs , ché opticiens
et qu in allo à mon Cora pour "ch'gros caddie" , pas forchémint eune fo pas semaine mais souvint tous les 15 jours
la tendance ale s est bin inversée asteure
c' qui m avo frappé aussi chéto les "limites" de quartier , eune ligne d' chemin d' fer, un pont , eune route, eune montée, cha constituo des frontieres invisipes
chéto pas des barrieres infranchissapes ,mais chéto l' raison qu in allo pas dans un aut' quartier
j' me souviens que quand qu in passo l'petit pont dans l angle d' la rue telesphore caudron et qu in arrivo rue jean baptiste petit, té cangeo d' quartier
l' pire ché l' rue florent evrard, que t habite d un coté ou d' l aute du pont du 2 , té faijo tes courses du coté du dispensaire d' la belle au bois, et d' laute coté t auro eu tendance à aller faire tes courses vers l' centre ville
j' dis pas qui yavo la guerre des quartiers , quoi que chacun resto plutot dins sin quartier avant d aller dévaler en ville
j' vous parle pu d'asteure .... in s'deminte si bruay ché pas devenu un quartier d' la porte nord ..
