histoire d' toutous

d'pis m'pus tendre infance j'ai toudis été habitué avec les quiens avec les conséquences que cha peut comporter.
vous allez peut ete rire mais ché la vérité. comme d'hab' asseyez vous et lisez.
el premier que mes parints ont eu chétot eune sorte d' bichon i s'ap'lo Boby i avot eune sale habitute i sauvot toudis i n'allo pas ben loin in habito rue Basly, nan i allo s'assir au mitant d'el route d'ou les zizaguemint des carettes et les risque d'accidents que cha pouvo comporter in l'a donné.
nous v'la parti rester rue d'Bône un camarate à min père nous avot donné un chiot mais i avo un défaut chétot un galafe(gourmand)un bio jour qu'in avo finit d'diner avec maman comme chétot l'été in étot allé attinte au bord d'el cour que min père arvient d'el fosse, ech' mingé i éto resté sur l' tape j'em rappelle chétot du bourguignon quand papa i a voulu s' mette à tape i avo pus rien dins ch'couet el quien i avo monté sur l'tape et i avo tout mingé
insuite in région on a acaté eune sorte d' "batarde" à la SPA sans l'avoir dréchée ale nous obéissot ej l'ap'lot fi fille ché un prénom ale à c... mais bon. j'ai été obligé d'el faire piquer i a 4 t'rans parce que chétot la fin. après 17 ans d' fidélité cha fait un choc.
asteur j'ai un jack russel i a 4 t'rans i m' fait pire qu'a pinte mais que voulez vous ché min quien ej l'ai quer malgré toutes ses bétisses. li aussi i a eune sale habitute, l' dernière in date i a attrapé un berger allemand à s' gorche un jeu du diape pour l' faire lacher prisse j'ai été obligé bien malgré mi d' i donner un cop d' pied dusse qu'ej pinse. j'avoue que j'ai eu peur j'ai cru qui allot l' tuer. par compte m' femme ale est assistante maternelle i n' fait rien aux infants au contraire. ale gardot un tiot trisomique peut ete qui sintot s' n'handicap i juot toudis avec. et quiquin qui connaissot pas i n' pouvot pas l'approcher eune sorte d'anche gardien in somme, comme quoi les animaux sont pus intelligents que certains êtres humains.