''Le Bleuet de Vimy''
par minloute le, 10/04/2011ch est Marie Claire qu ale m a invoyé un mail in m' disant ravisse l' vidéo "le Bleuet de Vimy" , ch'est de Bertrand Cocq, cha devro t' plaire .......
le "bleuet" chéto l' surnom donné par ché premiers poilus, porteurs des pantalons "rouge garance" , de sinistre réputation, aux jeunes recrues de la classe 1915, qui portaient , eux, directement l' uniforme bleu horizon.
les "bleuets" désignent les troupes françaises, les "coquelicots" les troupes anglaises
"
Le bleuet de Vimy
Un fin rayon d' solel au volet mal serré
Vient récauffer ses mains, s' poitrine alle s'soulièfe
Tout duchemint sans un bruit, ses yux se sont fermés
Et pis un long soupir vient caresser ses lèfes.
Alors, eune dernière fos, un prénom murmuré,
Vient apaiser s'figure et ralleumer s'mémoire.
Alle s'arvo à vingt ans, agitant un bouquet
Crucifiée à jamais, sur un mécant quai d' gare.
Près d' sin lit, un portrait, dins un cadre doré
Et soigneusemint pliée, l'lette au papier jauni,
Qui lit dit , li promet : "attinds-me, j'arviendrai"
Qui lit dit, promet : "cha s'ra bétot fini !"
Duchemint, eune dernière fos, s' poitrine alle s'soulièfe,
Mais alle arkaira pas, sin calvaire est fini.
Chu qu'alle a espéré tout au long de ses rêfes,
Va enfin arriver, elle part vers l'infini.
Un bleuet est posé intre ses deux mains jointes,
Au long, des cris d' éfants et les bruits de la vie,
Alle ne les intind pus, alle est partie arjointe
S'n'éternel fiancé sur l' colline d' Vimy.
Agenouillée par terre, avec mille précautions,
Alle y arlièfe s' tiête, prind un boutelot d' fer blanc,
Alle fraiquit un mouchoir, brodé à sin prénom,
Et li essuie les lèvres, tout in y souriant.
Pi quand sur sin visache, alle a essuyé l'glaisse
Alle approche s' figure, l' ravisse et li sourit,
Pose enfin sur s' bouque l' pus douche de toutes les baisses,
Et murmure à s' n' orelle : "cha i est , ch'est fini"
Les blés ont recouvert les tranchées une à une,
Les tombes bien alignées chaque année sont fleuries
Sur la sienne pas de croix, mais un croissant de lune,
Rappellent que ce soldat nous venait d' Algérie.
Bertrand COCQ "
Publié avec l' aimape autorisation d'l'auteur
Pour l apprécier cor plus, j' vous suggère d'ouvrer eune seconte farniete sur vot' pc, d aller cacher après "Le bleuet de Vimy" dins ché vidéos
Eune fos que cha comminche , j' me su armis devant ché paroles, et quo d' plus profond que d acouter un poème raconté par chti qui l a composé........
( 1 photos)