nettoyache des caniveaux

ché André qui m' la fait armarquer, sul' photo d' l article sur le cinéma les étoiles, in vo toutes ché femmes du coron in train d' nettoyer ch' caniveau

croyez pas que chéto pour la photo qu ale zont posé.....cha parait presque incroyape d' vire la main mise que pouvo avoir les Zouillères sur eune ville....

ach' momint là tout tourno autour d' l exploitation des mines ; té travaillo directemint ou indirectemint pour elles

ché logemints étotent gratuits du momint qui yvo quéqu un del famile qui travaillo aux zouillères

dins ché cités, ché corons , ché masons appartenotent aux zouillères , y avo un réglemint assez drastique, dont ché gardes étotent les representants ....

ché masons , ché gardins, ché rues, tout devo corresponde comme à un cliché voulu par les zouillères

pour in arvenir al' photo, dins ché corons yavo régulièr'mint des "corvées" d' nettoyache d's' in bout d' caniveau et du devant des' mason , tout cha orchestré par ché gardes

i passotent dins ché rues pour prévenir et eune fos toute l' rue prévenue, i donottent eune paire d' coups d' sifflets et in route ...ché femmes ale devotent nettoyer l' devant del mason

m' mère ale m avo raconté qu au début qu ale habito rue d' la poste ché s' belle mère juste aprés sin mariache , "temps béni" pour elle , i li éto arrivé un tour

ch' garte i éto passé dins l' rue , pi y avo donné ché coups d' sifflet

insuite i ouvro ché vannes d io situées in haut d' el rue , pour qu ale dévale dins ché caniveaux ; à ché femmes insuite à donner ch' coup d' ramon

et à ch' momint là, y a un d'ses tchiots qui a eu besoin d' soins, donc ale a pas été dehors nettoyer sin d' vant

mon diu que malheur, ale a eu dro aux zarmontrances des voisines , qui l ont relayé ach' garte , qui a vénu faire tout un brin al' mason ......

j' diso que té faiso pas c' que té voulo at' mason , t avo pas interet à laisser trainer quéquosse su tin trottoir, soit ch' garte i le voyo quand qui faijo sin tour dins s' cité sus' mobylette, ou alors t avo toudis un "aimape" voisin qui allo porter l' pet ......

j' me souviens d' eune mason que Nounours et mi qu in avo connu, in tout bien tout honneur, eune des files, yavo un coup le "théatre aux armées", ingueulate monstre entre l' monsieur qui habito là et ch' garte

ch' l' homme i s ato amusé à passer un coup d' peinture blanque su ché briques extérieures del cuisine et ch' garte i éto intervenu un jur qu in armonto d' l école loubet

ingueulates, claquaches d' portes, et j' me souviens que ch' gars i avo sorti s' mobylette au bord del rue , l 'mette sul' béquile, continuer à s ingueuler avec ch' garte tout in mettant sin casque ,savez ché casques en forme d' demi oeuf avec des sangles in d'sous pour l' attacher, asteure ché interdit

l' vla qui armonte sus' mobylette, et qui comminche à pédaler sec pour l' faire démarrer , et eune fos qu ale a pétaradé eune paire ed' coups , dire ach' garte, "té va vire j' va aller vire tin chef"

bin acoutez au final, il l' a gardé s' peinture blanque sur l' mur del cuisine, mais comme i devo avoir qu un pot, au bout d eune paire d années, tout douch' mint l' peinture ale s a écaillée, les zintempéries ont fait leur oeuvre , et in a arvu rapid'mint l' rouche des briques réapparaite

certains diront que ché qui a du utiliser eune peinture d' intérieur, qui yavo un pot à finir

d' autes diront qu in peut pas comme cha défier ché gartes des zouillères, et qu en fin d' compte, cha paye pas .....

j'me rappelle qu'y avot un jour pour el lessive. Avec el reste ed l'ieau d'el bouilleusse, ché femme lavottent ché trottoirs devant leux maisons.
Concernant ech garde. Ché t'i el même nom qu'ech Piqueur. Ou alors chéto qui et chéto quoi un Piqueur. J'me rappele qu'un dijot ch'piqueur y va passer. Chéto pas pou ché travaux din ché maisons ??

pour les gins qui habitotent in haut d'el rue chéto simpe mais cha s' complicot au mitant du coron et surtout in bas quand les garnoules i devotent pousser toute la m.... vénant d'in haut pour l' mette à l'égout.
ché m' rappelle Madeleine qui habitot in bas d'el rue d' Bône quand ale queminchot à faire sin ruchau au matin ale n'avot pour s'qu'à midi. chéto eune vrai pip'lette ou alors à s' metto ale fenête d'in haut si i avo eune personne qui avot l' malheur d' passer devant s' mason ale n'avot pour une heure à discuter avec elle.
on l'apl'ot radio coron ale savot tout mais sans jamais aller dégoiser sur ch' ti chi ou ch'ti la.
vous allez m'dire té l'a connu nounours? ben ouais chéto not'voisine ale resto 3 portes au d'sus
pour réponte à Boxerman ch' piqueur i v'not pour ché travaux et faire l'état des lieux d'el mason quand on déménageot.

Pour Boxerman et Nounours, El terme piqueur y est disparu, ach'theure pour des travaux din les maisons des mines, on fait appel à l'agent de cité, et c'est une entreprise quelconque à 20 km à la ronde qui vient faire les travaux... Les temps ont bien changés..