Au Renard Bleu ou Matantemarie

ché en ravisant ch' prospectus sur l' programme d' cinéma , que j a vu qui yavo eune publicité pour ch' magasin "au Renard Bleu"
j' m in souv'no pu dech' magasin là, situé 22 rue Alfred Leroy

j' a jamais été d'dins d' ailleurs, mais jel connaisso quand meme ch' magasin là par eune anecdote d' infance .....

Zavez pas connu "Matantemarie" ?
mi quand que j éto tchiot j' pinso que chéto un seul mot collé..... Matantemarie, "soeur sourire" que t auro pu l appeler... d' ailleurs chéto pas m'tante ,mais m'grand tante ...

un tchiot bout d' femme, pas très aimape, avec eune vox éraillée
ale habito avec "Mononctaf " .....

bin sur aussi quand que j éto tchiot "Mononctaf", j' trouvo que chéto un drole d' nom, mais comme m' mère qu ale parlo pas patois ale dijo aussi "Mononctaf" j' pinso que chéto comme cha .....
"Matantemarie" et "Mononctaf" , chéto pas pour mi leu prénoms, ni leu noms, chéto "eux" .....

y a bin un momint que j' trouvo bizarre commint qu' Matantemarie ale appelo s' n' homme, (chéto quand qui yavo un r'pas familial, et que déjà , vers 16h30 , ale trouvo que l' soir y tombo et qui fallo rintrer as' mason) , alors ale li dijo :"Qu'taf" in va y aller hein ... ché ach' momint là que Mononctaf i allo faire durer cha jusqu à au moins 20h, rin que pour l immerder ...

Chéto pour mi aussi, un grand éton'mint ..i zétotent toudis in train d' s ingueuler, ou d'raler l un su l aute, mais chéto leu mote d' fonctionn'mint
COmbien d' fos , t intindo Matantemarie rouspeter et que mononqtaf i répondo par un "Marieeeeee" d' épuis'mint ...

j a quand meme posé l' question à m' mère, et ché là qu ale m a expliqué que "mononctaf" cha voulo dire "mon oncle Octave"
Octave , que drole d' prénom.. i éto né en 1900, j allo sourire queques zannées aprés , in histoire , quand qu in allo étudier Cléopatre, Antoine...et Octave

J imagino mon mononcoctaf in toge et avec des lauriers, cha l' faijo pas ......

mais ardevenons sérieus ...
quand que Matantemarie ale a été bien malate tro quate ans aprés , min père i conduijo Mononqtaf tous les jours à l hopitane d' Béthune pour la vire

et j' me souviens , j y avo été un coup ,j' devo avoir 14 ans, et j a été surpris d' vire toute l'tendresse qu avo Mononqtaf pour ess "Marie"

j' me souviens qui prenno s' main dins l' sienne, deux mains pas bien épaisses que j m éto fait la reflexion

Ale a décédé rapid'mint et à partir dech' momint là , y a vite dépéri