ché camemberts
par minloute le, 17/04/2011mi j' me faijo eune reflexion quand que j' faijo les courses l' dernier coup, zallez dire ,minloute té fait ché courses ? Ch est un traval d' garnoules ...
Détrompez vous , pi ché garnoules ché capapes d' vous zacater du fromache à la figue, si si cha existe, et oublier ché zeufs, ou les pétotes .....
alors j' prèfère faire ché courses, pasque tout c' qui est "éxotique" cha ichi in a gouté
tiens in print ch' fromache aux figues ...
mi j vo cha j' gueule "aux figues ?"
alors grand mère ale dit "bin ouais cha cange d' l ordinaire" j y dit " t in a djà mingé ?" , "nan " came répond "mais cha cange d' l ordinaire" ...
ah pour avoir cangé d' l ordinaire cha a cangé, tout l' monte y a gouté, et in n a pas trouvé cha extraordinaire......
in tout cas j' m a permis d' faire eune "tchiote reflexion", pasque ché trucs là ché des zattrapes nigauds, j' y a dis , yauro du fromache au brin d' tchien qu on chuche , té l acat'ro ........
par conte, j' do avouer que pour les fromaches .........
in na plein d' sortes asteure, tous soit disant des viux fromaches qui sont fabriqués depuis des siecles mais qu in connaisso pas y a 10 ans ...........
par conte l' plache du camembert dins ché rayons ale est in train d'es réduire ...
avant j' me souviens y avo plein sortes d' camemberts, in s' "amuse" cor à soul' ver ch' couverque et à l'tater pour vire , pour vire quoi d' abord ?
Avant quand qu in soul'vo l' couverque et qu in tato ch' fromache in pouvo sintir des différences...
asteure ché du pasteurisé, et j' diro meme uniformisé
l' seul' différence qu' té trouffe ché si y est au lait cru ou pas ...
avant un fromache d eune meme marque i pouvo et' plus ou moins ferme, et quand que té l ouvro , té pouvo l' trouver plus ou moins sec, plus ou moins platreux, plus ou moins fait, y a meme des coups té sinto qui éto in train d' trépasser ....
asteure ché d' l aseptisé sans surprisse
avant cha pouvo arriver qu au bout d' quequ' jours, ch' camembert comme in dijo, i couro aprés l' boite, c' qui faijo la joie des péqueux ...
à méditer mes gins à méditer
el Rouy i est pa mal nan pus question odeur j'ai pas ker tout au contraire d' bobone. quand j'eufe l' frigo j'ai toudis un mouvemint d'arcule tellemint qui sint mauvais comme l' Maroilles ale minche cha avec d'el moutarte beurk.... cha m' donne invie d' vomir.
samd'i qui vient ché m'anniversaire ej va avoir 25 z'ans heu, putôt l' contraire comme cadeau ej va m'offrir un frigo personnel que j'en va pas mette dins l cuisine mais dins l'célier ou dins l'salle de bain. pour éviter les mauvaisses odeurs!!