va querre tin père ou l' leçon d' manille
par minloute le, 18/04/2011l' vendredi aprés midi , min père i allo juer chez mononcoctaf
i allo pas juer, nan il dijo li meme i allo printe eune lechon
eune lechon d' cartes, et plus précisémint d' manille, et meme d' manille à deux ....
cha ch' jue commint ? té coupes ch' jeu , et té distribue : 2 pour ti , 2 pour li , 2 pour ti , 2 pour li
ensuite té metto face contre l' tape eune carte in face d' tin adversaire, eune en face d' ti, eune in face d' li , eune in face d' ti, bref té faijo 4 fos l' maneuffe
pi aprés té poso d'sur ché cartes mais là face vers ché jueux
et t ardistribuo l' reste d' cartes en main, 2 pour ti , 2 pour li etc
chéto un jeu espécial, pasque té voyo qu eune partie des cartes visipes, que celles que t avo en main, et celles qui étotent visipes sul' tape, 4 d' tin jeu et 4 du jeu d' laute
mais au début tin adversaire comme ti, y a 8 cartes qui sont pas visipes, et ché au fil du jeu, quand que les cartes du dessous ale deviennent visipes , eune fo que t as jué celle dessus t artourne celle qui est in d'sous...
ché in juant que ta tactique et l' rapport de force peut canger entre ché jueurs
té souleffe eune carte et in d' sous té peux trouver un dix, la manille, ou l' as dit aussi ch' manillon , aprés dans l orde ché roi dame valet, 9 8 et 7
j a intindu des "j'coinche", des "sans atout" , rar'mint mais cha arrivo des "j' surcoinche"
sans oublier les reflexions aprés chaque partie , "j avo min roi troisième" ou "j' a jué ch' manillon , pasque zavez pas arlancé l' coup avant" ....
min père i vouvoyo toudis Mononctaf, Mononctaf chéto pour li l' frère des' belle mère