papa mineur
par nounours-94 le, 27/04/2011papa i a queminché s' carrière d' mineur au 3 in arvénant d' l'armée qui intre nous soit dit li qui n'avot jamais sorti d' sin coron i l'on invoyé faire sin service militaire au...Maroc un an sans arvénir. j'ai des photos que j'en mettrai pas par respect parce qui nous à quitté i a 3 z'ans. in 1966 quand l'fosse ale a freumée i a été muté au 5 pour terminer s'carrière au 6 in 1976. insuite cha été l'reconversion i a treuvé eune plache d' gardien d'immeupe. ché la qu'in s'est exilé in région parisienne.
par minloute le, 27/04/2011en fait à la fin d' ché mines, ché gins du bassin minier i zont arpris l' chemin d' la région parisienne
jusqu au milieu des années 30, yavo pas mal d' jeunes files célibataires qui partotent comme servantes ou nurses, dans des familes bourgeoisses
quand que les mines ont freumées, l'itinéraire d' tin père y a été fréquent , j' avo dins m' famile des gins qui étotent partis dès 1970 comme gardiens d immeupes en région parisienne
et du que j habito au nord d' Paris en 1986, ché concierges del cité, chéto parel, des gins qui venotent d' Lens, li yavo été mineur quequ' zannées et parel i éto parti trouver du traval bin du qui y en avo
mi j a fait parel en 1985, et j' a parti en région parisienne , ché là qui yavo du traval , ché là qui avo des salaires plus interessants
j a aussi l' souvenir de M Nowak qui habito dins m' rue , rue Leverrier, et qui , pour finir s' carriere, y a été muté à Courrieres
in in avo parlé un coup, yavo l' traval au fond, pi in plus l' trajet aller et retour in bus
M Nowak y est plus là asteure, y parti i devo avoir 63 ans, et j a marqué à jamais l' derniere fo que j' l a vu "perdu" dins sin fauteul, comme si chéto un infant , un méguerlo qui éto as' plache .....
quand que j' va à mon dech' cim'tiere à Bruay, j 'armonte "l' rue" , ché bizarre, mais dins l allée du qui a l' tompe d' min père, y a aussi les tompes d' pas mal d' gins del rue ou du voisinache
alors j' m arrete toudis devant la tompe d' Monique, que Sopraniste et mi in a bin connu et qu in a gardé un souvenir ému
pi d'autes personnes del rue, partis bin vite, et j' m arrete après d' vant la tompe à M Nowak , j' peux pas faire autremint ....
el mien ed papa ,y'a été pinsionné en 1963 , j'avos 13 ans em mère al a du s' débrouiller avec einne tiote retraite , ej m'in rappelle core chétot ch'facteur qui apportot 3 billets ed 5oo francs tous les 3 mois , cha l'a pas impéché d'em payer mes cours pigier ..
Quand ej vais au cimetière , mi aussi, ej peux pas m'impécher d'aller dire "bonjour" à tout l'monte , i sont tous din l' meme coin , voisins dinch'coron , voisins din ch'cimetiére , ej m'imagine ed vire Madame Dubr... appuyée sur sin balai qui m'dit " t'arvla ti ? t'as vu ej viens tout nettoyer m'tompe , tout y'é propp té peux rintrer si té veux...."