min voyache in Ingleterre

comme d'ab' mettez vos lunettes asseyez vous et lisez in buvant vot'bistoule.
quand j'éto in sixième à Rostand, ché profs d'inglais avotent organisé un voyache d'2 jours in Angleterre.(j'éto ché madame Grienche) ej mets cha pour minloute i saura pourquoi
nous v'la parti au soir in bus jusqu'à Calais pour printe l'batiau. in éto pas trop rassurés mi l' premier parce que j'ai peur d'el l'iau. inévitablemint i arriva s'qui devot arriver. mer démontée avec tous les conséquences que cha comporte.
nous v'la arrivés dins in drôle d'état et la "fête" continue i n'arrêtot pas d'pleuvoir. in a quand meme visiter pas mal d'cosses j'ai vu l' Tower of London , l' palais de Westminster, les bijoux de la reine, la relève de la garde etc..
pour l'nourriture j'en préfère meme pas in parler quand on d'sert des frites avec du pichon, ou eune omelette au bécon avec d'el confiture au p'tit dej' et que t'a passé d'nuit à dégueuler...
fin du voyage et rebelotte pour l' retour re mer démontée, re vomissache sur l' pont. ej jour la j'ai décidé que j'armonterai pus jamais sur un batiau. la preufe j'ai fait min service militaire dins...la marine imbarqué 10 mos sur un détecteur anti sous marin et l'fameux voyache d'agrémint in Italie qui a tourné au cauchemar avec mer force 7 et 45 degrés d'gite.
i m'sempe que ej l'ai déjà raconté sur l'site. ej passerai donc les détails.
vous allez m' dire i a qu'à ti que cha arrife ché trucs là nounours, ben ouais à croire qu'ej su maudit!!

acoute Nounours, j' su quand meme étonné, pasque mi aussi j a fait ch' voyache in Angleterre, avec l' college Rostand

mi j' me souviens que j' l a fait que j éto en quatrieme, pasque j avo pris anglais seconde langue, alors compte et ravisse si in éto pas du meme voyache, té sait que j a "inauguré" Rostand , j' cro que té m avo dit que chéto al' rentrée 1971 ...

mi j' me souviens aussi qui pleuvo , j a aussi l' souv'nir de wesminster, in avo visité aussi la cathédrale st paul, yavo des viux drapeaux inglais accrochés à l intérieur

in avo été aussi dins zin quartier pieton d' londres , chéto du qui avo plein d' vindeux d' disques, ché pas soho pourtant

au retour j' sais pas si té t éto pas arrété , nous in s a arrété à canterbury i faijo nuit , et in a vu l' cathedrale illuminée la nuit

et parel comme ti , in a eu un retour en bateau, autant l aller cha allo mais le retour , terripe ........

Ch'confirme bin s'qu'ya dit Nounours. J'faijos partie d'ech voyache. J'ai cor l'odeur ed vomis d'in min nez 40 ans après. Ch'batio chéto el 'st Patrick'. Imbarquemint à Calais et arrivée à Folkestone pi direction Londres.

Chéto le 12 mai 1971 exactemint sur el batio le 'ST Patrick'.
Mi j'éto au CES de la Gare. In nous avot laché d'in Hyde Parc et pi el rue avec ché discaires et tous ché vindeux ed gadjets chéto Picadily circus. J'ar r'treuvé un'copine qui faijot partie du voyage. Donc y'avot Minloute, Nounours, Boxerman et Claire. J'avot déjà mis un messache comme quoi j'ar cachot des personnes qui fajotent partie du voyache.

Mi j'étos pas au collège à Bruay , mais à Thérouanne et j'cros bien que tous les collègiens du Pas de Calais avotent drot à leur voyache à Londres , et pétete core asteur d'ailleurs
Mi chétot in 3ème au printemps 1971 et jé n'a un excellent souvenir , ech' batiau i tanguot suremint, j'em souviens qu'y a eu des malates mais mi j'résiste bien à cha ...

In étot partis très très tôt ed Thérouanne pour arjointe Calais et in étot rintrés dins l'nuit
J'avos particulièremint apprécié el lever du soleil quand in étot core sur la mer
Et j'avos apprécié aussi el pétite visite de Londres, du coup j'y sus artournée passer eune semaine in Ingleterre queques années plus tard, et toudis in batiau ...

chéto bien in 1971 minloute, s' qui m'étonne ché que t'étot in quatrième et mi in sixième étant donné que té plus jone que mi. mais s' qui m paraît incroyape ché qu'in voyagé insempe ti, mi et Boxerman. mi aussi j'ai été contrôlé avant l'retour. quand j'ai mis l'sujet j'ai oublié des souv'nirs comme t'a meilleur mémoire que mi cha complète.
i a fallu qu'on fasse un compte rindu sur not' voyache au collèche in rintrant j'ai pas osé écrire commint in faisot pour dégobiller!!
j'avo des cartes postales mais avec tous les déménagemints elles ont disparues.
quand i a fallu faire le dit compte rindu i fallo ete deux j'ai été "associé" avec eune polonaise qui éto dins l' meme classe que mi avec qui j'avo fait l' voyache avec nous. cha été min premier flirt pour celles et ceux qui vont m' lire, n'ayez pas d'arrières pinsées in éto trop jone pour cha.
cha m' fait tout drôle, intre l'sujet sur Mounette et l'voyache ché à croire qu'on s'a tous connu sans s' connaître.

bin acoute mi j a du l' faire pas l' meme année qu' ti Nounours, mi j a pas vu les joyaux d' la couronne, la releve d' la garde cha m' dit rin non plus

pour mi j a du l' faire en quatrieme , comme j' faijo seconte langue

par conte picadily circus ch est bien ch' nom là, et pi , des trucs à vire à londres ,cha devo et' les memes , et pi l' mauvais temps , hélas, chéto assez courant

mais ché des souvenirs qui nous zont marqués, in sorto d' ech' pays , et sans nos parints ..................