in classe, direction Bruay cor
par minloute le, 12/05/2011in éto pas fous nan pu, in savo meme si in éto qu in CM2 , in savo commint qui fallo s' placher dans l' groupe d' classe quand qu in parto en rang
zaurotent dit à la fin du groupe, comme quand qu in monto dins ch' bus ? nan camarate, chéto l' meilleux moyen des' faire arpérer ....
pi si t avo pas tin maite à coté d' ti, té pouvo avoir ch' maite del' classe suivante qui lorgno sur ti ou qui pouvo au pire, intinte les cacoules que té raconto
pi fallo miu et' au miyeu pasque si n a un du groupe qui voyo armonter l' long del' file l' directeur, i pouvo tousser pour prévenir
cha n allo pas impécher que l' aute i allo t artourner tes zoreles mais cha pouvo in atténuer la violence
alors in s' metto au miyeu du groupe, pasque in plus chéto pas l' endrot qui préféro et' ch' maite
à toudis tourner s'tiete devant derriere pour vire commint cha suivo, i préféro rester à l arriere
alors quo qu in s' raconto comme histoires ?
d' abord des zhistoires de Cafougnette
chéto meme souvint des histoires inventées tout au long del prom'nate, in l 'voyo bin quand chti qui raconto i cacho ché mots pi eune chute pour s' n' histoire
j' me souviens vag'mint d eune histoire d' Cafougnette, mais escusez djà pour la grivoiserie mais ché pour vous zin montrer l' niveau
j' in sait pu qu' des bribes , mais yavo eune histoire d' saucisse que l' ménagere ale voulo faire cuire, mais que ch' cat ou tchien i avo volé pour minger
et que comme ale avo du monte as' mason, ale coupo l' zigounette d' es ' sin vigin qui dormo , et que tout l' monte i dijo in l' mingeant qu ale avo du gout
yavo aussi eune aut' histoire d' zigounette coupée, qu in metto dans in pot d' moutarte , et qu in metto un r'ssort d' sous et que l' dame ale ouvro ch' pot et que cha li sauto as' guiffe .......................
j' sais ché pas d un niveau très haut, mais escusez me , in avo que 9 ou 10 ans , chéto souvint des histoires qu in avo intindu racontées par un grand frère, un frère d un copain plus viu, ou alors eune histoire racontée à tape par un mononque eune fo que toute l assemblée ale éto pu fraique et qu in s' soucio pu d' savoir si ché zéfants i pouvotent acouter ou nan ..................
mais bon ch' niveau i s a pas élevé d ' eune maniere exponentielle non pu d'puis qu in a grandi ..........
y avo cor eune aut' sorte d ' Cafougnette, chéto Cafougnette qui éto à l armée, et comme i éto babache, sin adjudant comme i savo qui yavo l' visite d un général dins l' caserne i li avo appris les 3 réponses à donner si y éto interrogé par ch' gradé ...
bin sur , vous vous in doutez, Cafougnette i a tout fait d' travers ............