au CM2 à l'école Félix Faure

pour faire suite au sujet d' minloute à propos des sorties, nous autes à l'école in n'sorto presque jamais sauf pour aller ale piscine mi aussi ej su comme minloute j'avo peur d'el l'io. ironie du sort j'ai fait min service militaire dins la...marine nationale. ej cro qu'ej su l'seul ancien marin, nan putôt deux in France ou peut ete meme dins l' monte à n'pas savoir nager. imbarqué sur un détecteur anti sous marin, eune fo par semaine i fallo aller avec min copain printe des cours d'natation. té parle in guise d'piscine in allo admirer ché batiaux amarrés sur l'arsenal d'Toulon. i suffisot d'fraiquir sins slip d'bain et s'serviette avant d'arvénir au cas ou. esse qui n'éto pas compliqué vu l'étendue d'l'océan.
ej cro qu'ej m'suis éloigné d'900 km ou putôt d'1200 pour celles et ceux qui habitent cor dins l'bruaysis, d' l'histoire initiale.

bref pour arvénir à l'école Félix Faure, à par l'pistoche in sorto quand meme pour aller in face... d'el cour d'récré.
ej m'explique:
eune fo par mo quand in sinto l'odeur d'clan arriver dins nos narines, in avo compris chéto ch' père Cocheteux fumeur d'pipe qui v'not nous faire, faire du cross. horreur, malheur. tous les anciens qui ont fréquentés l'école doivent s'rap'ler que dins l'temps in face d l'école chéto des camps in pente. ché la qui nous faisot courir. pour déquinte cha allot mais pour les armonter que ju.
in plusse j'avo des difficultés respiratoire pas à cosse des cigarettes j'avo pas incor l'ache d'finquer, mais parce que j'avo des cotes qui n'étotent pas dév'loppées. alors mi comme certains élèfes à qui cha faisot c....in faisot du filou. in s'muchot dins ché broussailles, ché haillures ou in bas pendant que les autes s'éssouflottent et suotent sang et eau. grand père i n'veyot rien, trop occupé avec sin chronomètre.
ech'maîte monsieur Fourcroy n'éto pas dupe i nous véyo mais i fermot les yux qui intre nous soit dit étot un excellent instit'. in sorto aussi au mos d'mai au stade parc répéter pour l'fête des écoles.

cha été aussi m' dernière année d'primaire que j'ai quitté avec regrets pour aller à Carnot et l'peur d' m'artreuver ej va dire dins in autre monde. juste avant d'rintrer à Carnot in avo été rinte visite à eune cousine d'em mère qui habitot Place Gentil in passant et in arpassant devant l'lycée j'em su dit in mi meme: "ché pas possipe qu'ej va m'artreuvé la d'dins"? j'en m'avo pas trompé. ché t'eune histoire qu'ej vous racont'rai peut ete prochainemint si j'ai rassemblé assez d'souv'nirs et ete précis. j'en peut pas m'"planter" parce que minloute ayant fréquenté l' meme étabissemint, pas l' meme année mais si j'em trompe, i va v'nir m'foute eune danse.

ps: quand minloute parle de madame Facon institutrice de l'école maternelle sur sin sujet in classe...
sachez que chéto eune de mes tantes. décédée i a deux ans à l'ache d' 99 ans, Augustine d'sin prénom femme d'Louis Facon. i z'habitotent rue d' Pont Avendin au 2

quand que Nounours i parle d' Madame Facon qui est décédée y a pas si longtimps qu' cha, j' do vous dire que j a eu des regrets

pour mi, quand j éto dins' classe , Madame Facon ame donno déjà l idée d'eune personne agée, d' eune grand mère , alors jamais j auro pinsé durant ché 20 dernieres années qu ale auro pu cor et' vivante

si ale avo été vivante, j auro bin été la vire, oh j' su sur qu ale se s'ro pas souv'nu d' mi , mais l' important ché que mi j' me so souv'nu d' elle depuis ch'temps là, cha comminche à faire mes gins, et que j in ai gardé un très bon souvenir

in plus que chéto quand meme m' premiere année à l école , si cha conditionne pas la suite des zétutes, au moins cha permet d' commincher avec des bons sentimints

j a l' souv'nir et si i n na qui s in souvienne, pasque là ja busié un momint pour artrouver l' solution, mais j' me poso l' probleme d' la mixité in classe

pour mi , que che so in classe maternelle avec Madame Facon et Madame Froment s' n' assistante, et ptete encore avec Madame Dupin en classe de CP, pour mi chéto mixte

d' toute fachon in éto à l' école Loubet Filles au moins en maternelle, et pour mi l' souv'nir que j in a , ché que yavo des pupites et eune allée centrale, et que d un coté su la droite chéto les files et à gauche les garchons

mais dans un meme temps j a aucun souv'nir d' files in classe, j' pourro vous citer l' nom de Hoguet ou de Asselin , Christophe chéto min camarate quand que j éto in maternelle .. par conte ché garnoules , cha nous interesso pas .....du mions à ch't époque là .......

madame Facon Augustine
quand minloute i dit que chéto s' n'institurice à l'école maternelle, comme ej l'ai écrit chéto eune de mes matantes. ale a eu 3 files et2 garchons.Thérèse,Marie Louise,Marylène,Robert et la ej su obligé d'parler musique chéto un clarinettiste hors paire, i faisot partie d'l'harmonie d'bruay, i a meme été prof'à l'école d' musique et Charles qui m'a initié ale guitare.
i a des orchestres qui v'notent buquer à leur porte pour leur deminder "un cop d'main" i z'ont meme jués avec Kubiak, et d'autes orchestres.

les trois files sont cor vivantes mais les deux frères sont morts Robert i a eune trentaine d'années et Charles qui nous a quitté i trois ans.chéto mes cousins et cousines
ej su sûr que des anciens Bruaysiens les ont connus notamint notre Jacques J. qui m'avo invoyé eune photo d'Robert d'eune coupure d'journaux lors d'eune remise de médaille que par mégarde j'ai effacé

commint n'pas ete musicien avec eune famile comme cha?
savez quand on allot leur rinte visite cha "sinto l' musique" i avo toudis un instrumint qui trainot sur l'tape salle à minger un saxo, eune clarinette des partitions. in dehors d'leur travale i vivotent, dormotent et pinsotent musique. cha dot ete génétique a m'n'appart ché l' meme b....l' pus marrant dins l'histoire ché que bobone ale peut rien dire ses 5 frères sont musiciens

M'femme ale l'a connu Mme Facon à l'école Loubet, et dins quelle école d'musique ale étot prof, passe que m'femme ale a jué du saxo soprano à l'harmonie municipale.