gare d' Béthune diminche 18 h
par minloute le, 13/05/2011gare d' Béthune diminche 18 h, l' salle d attente, ché quais i sont bondés, ché rimplis d' conscrits certains avé leu parints, d' autes avé leux copines aussi, pi d' autes qui déjà s' rassemblotent par connaissance, par régimint souvint
de là, té pouvo déjà arpérer ceux qui partotent pour l allemane , pour ché commandos
i zavotent des sines d' arconnaissances, l' crane rasé, pi ch' sac d' affaires que chéto couleur kaki camouflache, acaté au foyer du soldat .......
j' allo oublier d' parler du briquet Zippo, que té risquo d' t'inflammer l' guiffe à chaque coup que té l alleumo, ou au pire teut' prenno eune rasate d essence dins tes nifflettes ....
té les zarconnaisso ché durs à cuire, i roulotent del ' mécanique , in plus i portotent comme t shirt ...un t shirt d' camouflache ....................
pour certains ché zadieux i zétotent pas facile, partir d' Béthune, canger à Arras, arriver à Paris, printe ch' métro, arprinte ch' dernier train pour l al'mane, dormir plus ou moins, juer aux cartes et commincher à "entamer" ch' carton d' canettes qui faijo gling gling dins ch' sac .......
pi l arrivée en al'mane, cor un cang'mint dans la nuit, pi arrivée al' gare enfin du qui déchindotent, monter dins ché camions bachés qui attindotent, artrouver les copains, raconter leu "zexploits" , raviser cor un dernier coup eune photo , arriver al' caserne, aller vite s' laver, pi s' canger , tout cha pour et' prèt pour ché couleurs .....
tous ceux qui ont connu l al'mane, cha va leur rappeler des souv'nirs
avec in plus l' amertume d' perte un temps fou dins les transports , aussi bin à l aller qu au retour, meme si certaines permissions pouvotent et' plus longue d' 24 h ...
d' ailleurs cha s'dijo dins l' train , "j a eune 72", 72 pour 72 heures ......
mi j a pas connu cha vu que j éto affecté en "outremer" comme j' dijo toudis quand qu in m' demindo du que j éto affecté :
j' a fait mes classes au 525 ème RT d' Arras , pi aprés j' su parti à l' aute bout d' la planete, pisque j a atteri au GMR 2 , Caserne St Ruth, 2 ERT, régiment du train à .....Lille.......
donc meme si l' voyache du retour du diminche soir i éto toudis mélancolique, in savo qu à 20h , 20h30 au plus tard , in éto al' caserne
là in y artrouvo nos camarates qui y avotent été bloqués, comme ceux qui étotent d' semaine , ou à l armurerie, ou ceux qui étotent pon partis ...
cha arrivo aussi qui n a qui restotent l' week end, in avo un groupe d' réunionais, bin i s étotent là tous ché week ends d' libe al' caserne
certains d' entre eux i s' faijotent payer pour rimplacher un aut' qui éto d' prévu, pour tout cha fallo vérifier quand meme qui éto bloqué comme sous officier
d' habitute i zétotent pas trop regardants eux aussi .... pasqui donnotent pas toudis l exempe eux memes.....
faut dire que mi j' travaillo dins les bureaux et que , vendredi aprés midi , in archevo plusieurs coups d' téléphone , chéto des gradés qui nous zappelotent
chéto des sous officiers , des sergents souvint , qui étotent , acoutez bin ,planqués en tenue civile, à mon dech' fourrier, et qui attindotent d' savoir du qui éto ch' capitaine, pour pouvoir partir plus tot pour gagner soit un train, soit partir plus tot , pasque leurs zépouses ou leurs maitresses, ale les zattindotent juste aprés l' grille d' intrée , moteur alleumée ..............
ché gradés i nous zappelotent "zavez pas vu ch' capitaine ?" et quand que la voie ale éto libe , té lé voyo , comme des zinfants, eux qui quequ'zheures avant i t ingueulotent si t' avo oublié d' saluer , i longeotent ch' couloir comme des voleux , i s arretotent au niveau du bureau d' semaine , qui appelo l' planton d' garte et qui dijo si enfin la voie ale éto libre pour s' carapater .....
ché jurs là j' m a dis "pauvre France, in est bin gardé", et cor ché pas l' pire
mais un coup patatra, tout y a parti in coule, escusez me l expression, tout l' monte y éto persuadé que ch' pitaine i éto parti al' caserne Kleber
i l' avo dit, tout l' monte i l avo cru, chéto "byzance" ch' vendredi aprés midi là , sauf que , sauf que , ch' pitaine yavo quéqu un qui avo du li porter l' pet ..... i éto arvénu discret'mint, et i s éto assis dans l' poste d' garte , devant l' vite du que ché gins i passotent pour sortir
quand que ch' téléphone i buquo au poste d' garte, ch' braffe soldat qui décrocho i dijo c' que l' pitaine i li avo dit d' dire "nan y a personne ", et bin i s' sont tous fait cravater ché sous offs
bin mi j' l a vu d' mes ziux vus, j a vu ché gradés , in civil, l' regard au niveau des godasses , rintrer dins l'batimint, direction bureau du pitaine et là, j' peux vous l' dire , min bureau chéto 2 bureaux à coté, bin cha a morflé ......... nous , in éto pliés comme des baleines ....
ben ouai chéto folklo Minloute. El plus pénipe chéto pas d'faire Toulon ARRAS in cangeant à Paris, mais ed d'faire ARRAS-BETHUNE. Ech voyache n'in finissot pas. Ech train, si in peu appeler cha un train, y s'arréto à toute ché gares. j'mé rappelle ed BAILLEUL SIR BERTOULLE - ELEU DIT LEWETTE -FARBUS et j'in passe et des meilleurs. Chéto mortel. In plus ej préno cha vers 13 heures. j'arrivo à béthune a des heures pas possipe. Après ech bus pour Bruay. heures ed train in tout..