la boite d' cassoulet cor suite
par minloute le, 26/05/2011cha y est in a tout fini d' rintrer, in se sero cru dans l'flime les 10 commind'mints, in éto comme ché zouvriers égyptiens qui portotent des charges lourtes, sous les coups d' fouet et les invertives des gartes chiourmes
in avo dro à "tintion mets bin des mains en d' sous du carton", "nan prinds pas cha, ché fragile" ,"ché lourd mais té peut l' printe, té grand asteure" "attintion à pas querre avec " "attintion à pas cogner dins l' porte" etc etc etc ...
ché là qu enfin min père i ouvro l' cabane et que j' me précipito d' dins pour artrouver mes juets d' l année derniere
j' devo aussi acouter les recommandations dem' mère, "t assis pas dinch' sape, ché cor mouillé" "va querre tes bottes " "rinte pas al' mason avec cha aux pieds"
mais pour mi chéto l' début d un temps qu im ' laisso tranquile, et que j' pouvo , par la pensée , avec mes soldats, mes pistolets, min bidet imaginaire, j' pouvo m artrouver rapid'mint comme ché coboys, à cheminer dins les grands deserts de sape qui avo dins l' terrain
pendant ch' temps là, min père i éto aux zanges, i ringeo ché cartons dins s' cabane, i préparo ché zoutils pour arplanter l après midi , i cacho aprés l' tchiote barette à huile pour aller in armette al' porte d' entrée pour qu ale coinche pu
quand qui faijo pas cor trop caud, i ram'no dins l' chalet sin cageot avec ch' papier jurnal, ché tchiots morciaux d' bo et i alleumo cha
au départ mi j a connu eune cuisinière d' marque Chappée , elle éto émaillée, avec des tchiots dessins d' rose comme décoration , mais j' do avouer qu ale avo djà bin vécu, et que cha "finquo sec" dins l' mason ........
obligés qui zétotent d ouvrer en urgence portes et farnietes, pour laisser s échapper l' finquée...
min père i en rio , m' mère ale avo su ses lèves un sourire ? plutot un rictus du ginre " in m épargne rin ".......
faut dire aussi qu ichi in avo am'né soit du matériel d' récupération , soit des chosses qui avotent djà connu soit plusieu propriétaires , soit que cha avo appartenu à eune grand tante, au hasard des zhéritaches ......
mais in va in n arpaler taleure quand qu in va passer à tape .....