Mystère à Divion

comme cha m arriffe d' temps en temps, j'ravise c' qui s' passe dins l' pas d' calais par l intermédiaire du site d' la voix du nord
et bin sur après après avoir fait un tour d horizon d la région, j'ravisse l édition Béthune Bruay..........

aujourd hui i parlotent d' la fermeture de Radio Bruaysis, et évoque le rapproch'mint avec eune aut' radio que cha deveno inévitape, vu asteure sa faible affluence
"in peut pu faire l' radio comme y a 30 ans, mette eune émission d' rap pi aprés eune émission d' accordéon"

à travers l artique, ché surtout la part de l 'esprit du bénévolat et du service qui est en train d' disparaite

mais ché miu expliqué dans l artique que j' vous invite à lire

mais ché un aut' artique qui m a interpellé , que si cha avo été publié un premier avril cha m auro pas étonné, j' vous livre ichi l' titre enigmatique d' l artique publié le 7 juin

DIVION : LES "BESTIOLES" DE LA RUE CH' CAFARA SONT BIEN DES COLEOPTERES CARABIDES ........

comme j' vous dijo, j' pinso que chéto soit eune farce, soit eune formule magique qui fallo percer pour acceder al' solution

cha m' a vraimint fait tiquer, ch' te phrase là ...

d' abord j' avo compris des "coléoptères carabinés", chéto sur que j' les imagino pas avec un fusil en bandouyère...

mais j avo cru au départ qui s agisso d' insectes mutants tout au moins résistants

bin ouais in l' dit quequ' fos, ah ouais in a tous intindu quéqu un qui dijo "ah j a eune chifernée (un rhume si vous préférez)carabinée .........

nan, j' a ravisé dins ch' dictionnaire , bin j 'vous fait un résumé, pasque au miyeu des planches à insectes, in apprind qui a des coléoptères carabidés, qui n a qu in appelle "coléoptère bombardier" si si ché vrai

mais qui faut pas confonte le coléoptère carabidé et le coléoptère trénébrionidé .........

en simplifiant, in in faijant l' synthèsse, le coléoptére carabidé, si vous buquez ch' nom là sur l arnitoile et qu' vous ravisez ché imaches , cha arsonne à des scarabées ....

voyez j a résolu eune partie d' l énigme ....

et parait que cha fait plus d un an que, Rue Ch'cafara , i sont invahis par ché bestioles là....

par conte resto à savoir quo que chéto la rue Ch'cafara ...

d' abord savoir si cha existo vraimint, j a ravisé sur google maps et ch est vrai, ché pas des cacoules :

la rue Ch'cafara cha exite te bin : ché eune rue in cul d' sac perpendiculaire al' rue Oscar Simon à Divion

pour vous aidez à vous zarperer , pour ceux du coin, ché pas loin d' la Polyclinique d' La Clarence ...

par conte , j a pas trouvé pourquo cha s appelo comme cha et pour mi ché cor un mystère ..

pourquo qu in a donné ch' nom là "ch' cafara" à eune rue à Divion ?

pour l instant, mystère et boule de gomme ...

Ambroise CHATELAIN Ch'Cafara :

Ch'Cafara"