du porte pleume à la mixité .....

"verrez plus tard, vous les zargretterez" qui dijo ch' maite à Loubet quand qui nous d' mindo d' tirer des traits avec l'porte plume et la régle

zallez dire ché tout simpe, ah nan malheureux, fallo d eune main bin tenir l' règue , d' l aute avoir assez d' enque mais pas trop quand que t avo trempé ch' portepleume

bin ouais teut' vo au miyeu du trait et pu avoir d 'enque, bin pour faire un bio raccord après fallo et' fortiche...chéto pas min cas ......

sans parler qui fallo à un momint quand qu in tiro l' trait passer du qu in avo mis préalablemint sin dogt pour tenir l' règue...
sans quoi si té continuo avec tin porte pleume cha faijo eune bosse, ouais mes gins ........... mi cha m arrivo

aprés meme si t avo tiré tin trait correctemint, fallo artirer l' regue et qui a pas d' traces ach' momint là.........

pour faire y auro pas fallu met' trop d' enque su tin porte pleume , qu' as' mette pas entre l' regue et ch' papier et que quand t artire l' regue cha faijo un bio paté ............

chéto eune d' mes spécialités ................

d' ailleurs quand que j' rintro d' l' école, j avo toudis plein d' taches d' enque su mes mains, et des tchiotes sum' guiffe

j' a meme eune photo prisse en classe, que quand que j ' l a ram'né al' mason, m' mère ale éto désolée , ravise té faijo un bio sourire, et t as l' guiffe pleine d' enque ......

bon ale m avo ker ma manman, ale a quand meme acaté l' photo ......

ché pour cha que le passage en sixième pour m' mère, quand qu ale a vu ché fournitures scolaires, ale éto rassurée ...

d' mes années de scolarité in primaire à Loubet, du fait qu in passo in sixieme chéto un aut' monde

d' abord bin sur au delà des fournitures scolaires, in avo pu un seul maite , mais plétore, sans oublier qu in cangeo d' classe pour ché cours, que de "grand" en cm2 , in deveno ché "pitits" en sixieme ...

quoi que , cha a été assez particuyier pasque in a eu l' honneur d' inaugurer le CES Rostand (qui va bientot et' arbaptisé "CES minloute" dit in passant) , donc y avo pas d' "caste d' anciens habitués du CES) , chéto nouviau pour tout l' monte

mais bin sur l' plus important pour mi, cha a été d' abord la gente féminine ...

d' abord ché profs, ché professeuses j' voulo dire, nous qu in sorto d'primaire du qu in avo connu que des maites avec des blouses grisses, vlà ti pas, et in site pas d' nom Nounours, pasqu in a eu les "memes" .............. mais chéto l' époque du que ché jeunes femmes, nos professeuses , ale mettotent des mini jupes ............

ah Mesdames, qui etes asteure grand mères j' supposse, si vous saviez quels émois zavez provoqués dins l fond d' nos maronnes quand qu in raviso vos paires d' gambon ,d'dos, quand que vous étiez in train d écrire ach' tableau...........combien de règles sont quéus à terre, nous apprentis garagistes, à aller raviser vot' "moteur" sous vot' jupe ............

aut' cosse d aussi troublant, ché quand qu in nous "mélangeo" , cha dépindo des profs, mais certains i pronotent la mixité ............

donc avec eux , fallo s' assoir à coté ....d' eune garnoule....................

MON DIU , que chéto différent d' nouzautes, elles ale zavotent des trousses toutes bin rangées, des cahiers bin écrits, sans ratures, ché tites bin soulignés , bref del propreté et du soin d' leu zaffaires ........

pi sages, ptete aussi génées qu' nous d' ete pour la premiere fo à coté d un éfant du sesque opposé ..........

mi j éto in plus à coté d eune file qu ale travaillo bin, chéto eune polonaisse , un nom à couquer dehors........

mi à coté, j'faijo pale figure, avec mes cahiers écornés, mes ratures, m' n écriture d' brin , m' trousse du qui avo plus d' crayons à mine cassées que d' crayons in état d' fonctionner ...........

mi qui avo tous mes stylos bic aux bouts machuqués, quequ' fo rimpli d' saliffe tel'mint j' bavo d' dins , que meme un coup j arrivo pu à écrire ................

alors que elle, chéto pas eune trousse qu ale avo , chéto eune clinique chirurgicale : tout y éto ringé, prope, aseptisé, stérilisé, vacciné...............

al' reflexion, j a du passer pour elle pour un pequ'not, un barbare, un cinsier avec cor del pale dins ché sabots .....

mais que voulez vous, mi j a toudis eu ker l' gente féminine.... savez j' voyo quand qu ale avo d' nouvelles bouques d' oreles, ou un nouviau mantiau....

j 'li faijo la r'marque et j a vu que cha li faijo plaiji, ale a été indulgente avec mi, am' préto d' bon coeur sin tale crayon, ouais l' mien i éto cassé .............

am' préto un crayon d' bo , vu que l' mien parel , y avo pu d' mine ..........

mais bon, bon an mal an j' m a amélioré durant l année , j' diro que j' su passé de "néanderthal" à "cro magnon"

in lisant l' sujet d' minloute j'ai souv'nir d'eune prof d' géo qui avo eune particularité ale ne metto pas d'culotte juste des collants.
comme in étot pudiques et pour n'pas attirer s' n'attention in n' faisot pas quéyir ché règles ou crayons par terre loin s'in faut.
quand in avo cours avec elle in réhausssot juste l'estrate...

n'allez pas pinser les garnoules, que minloute et certain d'autes garchons étotent des obsédés sexuel avant l'ache pas du tout i faisotent leur éducation tou seu.
ben ouais in ch' temps la, les cours d'éducation sexuel cha n'éxistot pas.
vous allez m' dire pourquoi té n'te cite pas Nounours? parce que j'étot pudique et ej voulo ete curé.
asteur tout l' monte m'appelle "saint nounours"