le résultat del cuisson du paté d' lapin
par minloute le, 17/06/2011savez cha arvient chaque année al'télé, i zappellent cha un sujet "marronnier" , ché pas des conneries
un sujet "marronnier" ché que té peux et' sur que chaque année , à moins qui y a eune bompe nucléaire, té peux et' sur qu in va in parler
exempe le père noel qui part d' laponie pour distribuer ché cadeaux, le nouvel an aux champs élysées, l' défilé du 14 juillet , et bin sur ........ le baccalauréat
à vire ché zétudiants du bac ,tous tindus avant et aprés ché zépreuffes , cha m a fait pinser à mi avec min paté d' lapin ...
faut dire que l' dernier coup que j' l avo fait, yavo m' file et sin copain, ch' paté i éto bon mais cha minquo d' quéquosse ....
alors comme dins ché grands restaurants, j a réuni tout min staff pour intrer en "brin storminge" (ché un terme anglais que André de Marles i conno bin avec sin métier : ché quand qu in réunit l' ban et l' arriere ban d' tous ceux qui peuvent réflechir sur un sujet, ins ' met autour d eune tape , et in échange ché idées, et ché de la comme diro Wonder , que la lumière fut , ou comme diro mr Peugot "fiat lux" °
Bref j a réunion donc mon staff, ché à dire mi et grand mère , et in a réfléchi à c' qui avo pas été .... ou tout au moins qu in auro pu améliorer ...
bref, s' deminder quo qui minquo pour artrouver ch' gout du paté d' lapin que ma manman ale faijo
in a décidé d' pas met' d' poitrine fraique mais del poitrine fumée (mi j adore la poitrine savez )
pi d' bin poivrer et d' ailler à chaque niveau , d' mette aussi eune branque d' thym et eune feule d' sauge à chaque niveau
surtout in sale pas mes gins, vu qu avec l' poitrine fumée , cha suffit amplemint .....
sans quo, j a fait comme l' dernier coup, eune couche d'lard fumé, ensuite eune couche d' lapin avec ché oches, pi ch' lard fumé, pi ch' lapin , pour terminer avec ch' lard fumé .....
l' fait d avoir bin assaissonné à chaque nivea, d' armette des gousses d ale à la fin, d' bien laisser cuire , j' l a fait cuire plus de 2 heures au total
bin ch' résultat chéto du nanan ...
ch' lapin i avo pris in partie l' gout du lard fumé ....
l' gelée ale a fait du creucreule et du gligli ......... l' creucreule ché l' couche blanque qui s' forme avec l' gras qui s échappe du lard, et l' gligli ché l' gelée jaune, qu in diro presque du bonbon haribo .....
l' dernier coup in l avo fait dans eune terrine in terre , bin ch' coup chi , vu que ch' lapin chéto un lapin d' compétition et qui yavo pas mal d' lard, in a fait cha dans eune terrine pyrex qu ale va au four .................
ALORS LA mes gins, quand que grand mère ale a démoulé ch' paté d' lapin, commint vous dire ....grand silence .... recueill'mint que j' devro dire
et quand qu ale a comminché à séparer ché morchiaux et que t intindo "glurps ,glurps" , savez ché quand qu in sépare l' gelée del viante qui est collée d' sur ...
pour mi chéto aussi sérieux que si chéto l' eucharistie, j' peux pas miu vous dire ...........
ch' paté i sinto, bin plus qu' l' derniere fos, pi eune odeur, que d' un coup j' a cru que chéto pas mi qui l avo fait , mais manman ...
alors là j' vous jure rin qu à y r'pinser, ja la chair d' poule ...
paradoxal cha, d avoir la chair de poule pour un paté d' lapin ........
( 3 photos)