le croup

le croup cha nous dit pas grand cosse, eune maladie diront certains, mi personel' mint j' pinso que chéto eune maladie qu attrappotent ché moutons .....

ché in feuilletant les notes que j avo prisse y a eune dizaine d années que l' nom de chte maladie y est rapparu

comme j a djà dit , j a eu la chance d' pouvoir cor rincontrer des personnes agées d' la famile, et qui in plus avotent pas mal d' souvenirs d' infance et que surtout ale zétotent pas avares d' in parler

à chaque coup , quand qu in évoquo les frères et soeurs, les cousins cousines, les mononques et les matantes , in avo dro toudis al' meme phrasse


par exempe "ouais bin i zétotent quate infants " pi après ale s arprenno in dijant " enfin qui ont survécu, pasque y a eu deux ou trois zautes zinfants mais qui sont morts en bas zache"

et souvint dans les causes d' mortalité infantile que javo noté , in cito souvint la méningite, la rougeole, et j a arlévé 6 fos au total, le croup

le croup cha se caractériso par des symptomes qui devotent inquiéter ché parints

des difficultés pour respirer , meme à l' air libe

des bav'mints et des difficultés à avaler de la nourriture

eune respiration avec des sifflemints

eune toux importante

les ongles et les lèvres bleuis .................

on imagine ichi l' inquiétute , la détresse, et l' abat'mint des parints quand ché zinfants i zattrapent cha , pasque ché eune maladie qui zavotent déjà vu dins leu famile ...

le croup chéto au départ un virus anodin, comme chti du rhume ou de la grippe, qui s' fixo au niveau de la trachée artère et du larynx , en rétrécisso les voix respiratoires ...

faut dire que chéto l époque du qui avo pas comme asteure plétore d' médicamints voir d antibiotiques

pi yavo aussi eune certaine promiscuité entre ché zinfants, vu que chéto souvint des familes assez nombreuses , sans parler que l' hygiène ale éto pas comme asteure un réflexe

j' dis pas que ché gins étotent sales, loin de là, mais in devo et' moins regardant si ch'tiot i prenno l' cuillère du qui avo mingé sin frère ou s' soeur ...

quand que j in parlo al' cousine à min père, quand qu ale raconto cha, in avo l impression qu ale nous dijo , in citant l' nompe d infants décédés en bas ache dins s' famile, que chéto un peu comme " un prix à payer".........

et'n'histoire al m'rappelle un lif , qu'j'ai lu , j'étos cor bin jone , ech'titre chétot " le couteau " et cha ma resté marqué , cha date pas d'hier pourtant

ché l'histoire d'un gosse qu'ya l'croup justemint , et s'mère pour el sauver al ya fait in trachéotomie avec un simple coutieau , j'sais pu si cha a réussi mais j'cros qu'ouais , et j'cros aussi qu'ya in aute nom à ch'te maladie

in parlant ed' gosses survivants,in face d'em barraque al cité des fleurs yavot in famil , ech' père yétot sourd à 100% et manchot , ya eu 22 gosses et seulemint 8 survivants

Je ne veux pas trop m'avancer mais ce n'est pas une forme de la DYPHTERIE???
ca faisait comme des couches de peau blanchatres dans le fond de la gorge et l'air ne passait plus.

Oui Bernard , j'a un peu caché et j'a treuvé que le croup cha s'rot eune complication de la diphtérie par obstruction du conduit aérien, et donc asphyxie
La solution étot bien la trachéotomie