l' armontée d' la plage cor suite
par minloute le, 24/06/2011son d accordéon à toute gamelle qui tourne dins l' rue, cha y est vu l' carette bicolore rouge et jaune avec ch' gros parleur d' sus, ché un cirque ......
"acoutez mes gins, c' soir , su la place du marché, un spectaque exceptionnel, avec des zanimaux in provenance d afrique et d asie, ché girafes, ché lions , ché tigues que not' dompteur va essayer d' met' au pas pour vot' plus grand plaiji messieurs dames, sans zoublier ché clounes pour les plus petits"
à mesure qui s éloigno in intindo ché paroles d' plus en plus comme si chéto dans un long tupe ......
"et visite du zoo , toute l aprés midi, 2 francs l entrée pour les petits et les grands"
Arrivé dins l' rue principale, aute musique d' bal guinguette, in plus avec l' cloche, chéto l' pitit train qui permetto d' faire l' tour d' merlimont
le départ chéto au d' sus du poste d' secours
eune fo qui éto arrivé, ché gins i zin déchindotent, mi j éto arténu par m' mère ,sinan j auro monté d' dins qui éto pas cor arrété
mais y a l' dame qui veillo, chéto l ' épouse du chauffeur, ale s asseyo toudis dins ch' dernier wagon à droite, comme cha ale voyo tout d' suite si tout l' monte i déchindo et que personne monto ou déchindo qu eune fo ch' pitit train arrété
ale porto toudis eune veste en laine d' couleur blanque, pi eune casquette blanque à visiere , eune casquette d' marin en sorte ..
quant à ch' chauffeur, i resto imperturbabe au volant des ' locomotive .............
Entrée dans la rue principale, agglutin'mint et odeur d' gauffes qu in s' prenno dins les narines ..............
Plus loin, odeur d' biere et cliquetis des flippers qui rivalisaient d' effets spéciaux (qui nous paraitrotent bien désuets asteure"
au loin in intindo passer dans eune des rues latterrales ,l' camionette publicitaire du cirque , du que d' dins ch' chauffeur i récito s' litanie par coeur ..........
(un peu comme l' cancre dans un sketche de jacques baudoin, la table de multiplication) ...................
su ché cotés, dins ché magasins d' souv'nirs, ché moulins aux ailes en plastique faijotent un sacré boucan sous l effet du vent qui rintro dans les terres
vinguette ichi l' pire à passer, l' odeur des frites cautes, vindiousse quand qu in passo d' vant , qu in avo l' estomaque qui crio famine , chéto un supplice d' passer d' vant
cha y est in avo passé ch' garache Peugeot , in face yavo l' bruit au sous sol de la chaumiere bourguignone, ch' restaurant qui faijo l' coin
in passant à pied l' long du trottoir in pouvo vire qu in cuisine cha s affolo, et in sinto les odeurs d' cuisson, l' bruit des viantes ou des légumes qui rissolent, tout cha par ché vasistas positionnés au ras du dit trottoir
plus loins su la gauche, le dernier restaurant , le plus mystérieux , un restaurant vietnamien
asteure ché plus courant d' trouver un restaurant chinois, tout l' monte ou presque y a djà fait l expérience d y minger au moins eune fo dans sa vie
là j' vous parle d eune époque qui éxisto djà avant 1970
et minger chinois chéto plus que rare, chéto exceptionnel
mi j a jamais été y mingé, j' cro qui s a appelé, l' hotel des dunes, pi aussi le coq d' or, avant d' péricliter si j' me souviens bin au miyeu des années 80
j' auro bin voulu i minger, mais chéto trop ker, et pi m' mère ale avo pas confiance, in voyo pas c' qui yavo à l intérieur ...........
par conte ché vrai qu en passant à pied , in éto "interpellé" par des senteurs exotiques qu in connaisso pas cor comme asteure