t as arrosé ?
par minloute le, 29/06/2011avant d' commincher l' sujet que j' voulo faire su min père et ché graines, j a un compte à rinte ......
savez j' su parti presque 3 jurs dins l' pas d'calais, à Bruay , et y annonçottent dins l' sud ouest des températures supérieures à ce que té pourro relever si teut' métto un thermomete dins l' derriere ..........
ché tout dire ........
Alors avant d' armonter j avo donné mes zinstructions à grand mère pour bin arroser ché plantes
j y avo marqué sur eune feule les zinstructions et j y avo montré c'qui fallo faire pour faire fonctionner l' pompe d' jardin, faire monter l io en pression del pompe manuelle, pi bloquer l' io dins l' colonne, mett' in route l' pompe electrique pi ouvrir l' vanne et arroser
comme ché eune femme, j avo meme armis les zinstructions pour freumer eune fo l arrosache terminé .............
pasque si vous li dites "bin té fait comme j' viens det' montrer mais à l envers" .............
là ché Mission Impossipe, comme quand que j y d'minte ed' trouver eune direction sur eune carte routière .............
j' sais in in est tous là ............
pas d' soucis qu am' dit et ale précisse té verra cha va et' miu arrosé qu' ti ................
durant min séjur à bruay, j' l a appelé tous les jours , meme que cha l étonno que j appelle, qu ale a dit que j appelo plus pour printe des nouvelles des plantes et d' l arrosache que des nouvelles d elle
à quoi jy a répondu qu elle éto eune belle plante et qu avant mais qu avant qu ale comminche à séquir faudro vraimint que ch' thermomete i monte cor bin plus haut ...
et là am' répond " acoute j arrosse meme miu qu' ti"
j' rinte al' mason lundi soir , ché vrai que l' 2ème question que j' pose ché " t as arrosé ?"
ouais cam' dit , mi j va dehors mais i faijo nuit impossipe à raviser si chéto bin fait
mon diu au matin j' em leffe, et j' va vire ché pots sul' coté, vinguette chéto pas bio à vire, l' terre seque d' dins , des plantes à l agonie...
alors là j' déclenche l' plan "orsec" mais là chéto pour mouiller, j' branche l' pompe et in avant pour l arrosache
plus que j avincho et plus que j' dijo "mon diu que malheur" , sans mintir , min terrain y est pas grand l' mason ale est batie sur 500 m2 mais bon ichi ché la jungue avec tout c'que j a planté......
bin j a mis plus d eune heure pour arroser, pour vraimint que l io al' rinte dins l' terre et que l' plante ale in profite
mi , malin comme pas deux j' deminte am' file quand qu ale sort , "t'mère ale a arrosé" "ouais " quale répond
et aprés j y d'minte quand qu ale a arrosé ,bin j a compris que chéto du rapite
alors zallez dire , que rapport avec histoires de chtis et la vie dins l' pas d' calais et min retour dans le sud ouest
ché que bin sur j a comminché par ingueuler grand mère, et tout in parlant in li dijant
" arroser ché pas mouiller, faut que cha rinte dans la terre, par conte faut pas mouiller ché feules ravisse ché tout brulé " ................
"et ti qui dijo que t arroso miu qu' mi"............
"t auro pas fait cha avec un brumisateur" .............
j'a intindu min père raler quéqu' décennies avant.....la suite au prochain pisote
BOURREAU , ta pas honte d'aller d'promener , ed' goinfrer , et aprés ingueuler in rintrant ed' femme passe qu'al a pas bin fait tin boulot , mi j'ros honteux d'raconter cha , ché comme certaines cosses des faut cha s'fait mais cha s'dit pas