ché coulons
par minloute le, 29/06/2011extrait du poème Envol d'Henri Raimbaut :
"tu es symbole d' espérance , de ceux qui ne peuvent voyager"....
ch' est avec plaiji que j'in a cor vu au coin del' rue de Bone à Bruay
autant chéto cor bin courant sur Bruay dans les années 70, autant cha a disparu cor assez vite ............
ché viux mineurs i sont pu là, entre temps y a eu aussi ché rénovations, donc adieu aux cabanes rafistolées , ou espéciales , construites par ché coulonneux pour leux animaux
j' auro pas du parler d' cabanes "rafistolées" , chéto plutot des cabanes personalisées, pasque souvint ch' coulonneux i sacrifio sin temps et s' n argent pour l' bien d' ses bietes
fallo les entretenir, les entrainer, les soigner, les acouter, et les préparer lors des concours ...
fallo aussi assurer la reproduction.......mon mononque in n avo un , i l appelo "min con" ...
i l appelo "min con" pasque meme si i yéto costaud et qui simblo donner tous les gages d'la virilité animale, i simblo pas interessé par ché femelles
in dehors du temps consacré al' préparation , l' week end i éto consacré souvint aux concours
à attinte, à guetter l' arrivée des coulons autour del mason, s arringer pour qui rinte l' plus vite possipe dins ch' pigeonnier, afin d' pouvoir faire fonctionner ch' constateur
y avo rin de plus énervant que d'el vire arriver et rester aux alentours, alors in éto pret al' supplier , à l ingueuler, à l appeler , tout cha pour qui rinte l' plus vite possipe dinch' pigeonnier ....
y a des zindrots du que cha existe cor un peu plus qu ailleurs, mais j a bin peur que cha disparaisse dans quelques décennies
plaisir d antan asteure bintot aux oubliettes, ch' coulonneux i suivra bintot ch' coqueleux ..........
( 3 photos)