ach' bistrot

"messieurs dames bonjour", ché un viu monsieur bien habillé qui rinte, dès qui rinte à l intérieur i in prind chinq , l' temps d' profiter du vint des ventilateurs qui tournent à toute blinte ................

tout l' monte i li rinvo sin bonjour , enfin quand que j' dis tout l' monte, dins l' fond du bistrot in suit avec attention ché courses d' bidets in direque sur écran géant .........

ché un habitué, i va serrer quequ' mains, pi y a va aller "draguer" l' patronne qui court derriere sin comptoir, faut dire que PMU,Presse, Café,Tabac, un diminche aprés midi, dans eune ville du que y a pas grand monte d' magasins d ouvert, cha attire du monte

à coté d' mi in raconte ch' repas d à midi, "in a été mingé Porte Nord,in n a eu pour plus d' 40 euros et in avo cor faim in sortant"
"pi cor 40 euros pour un steak tartare un dessert eune boisson et un café cha commiche à buquer "

"pi la bo ché tout à la carte, le steack tartare chéto 13 euros , 13 euros pour del viante et cor mi j a trouvé qui chéto pas assez arlévé "

l' patronne " cha m étonne pas, faut l' payer tout ch' personnel qui y a et pi surtout ch' loyer , pasque ché pas donné ch' loyer Porte Nord "

"ché ker, et pourtant chéto plein"

l' patronne
"in n a un qui est bon ichi ché le Pot au Feu (ancien'mint ch' café Tillette rue Charles Marlard), tin aura pas pour 40 euros ché sur

ou alors y a l' Méditerranéen (in bas del cote des grands bureaux), ché bon , y a del plache dins l'cour pour ché zinfants, par conte ché sur faut aimer ch' couscous ....."

un aut' client " bin zavez cor del chance d' pouvoir aller au restaurant l' diminche"

l' mari del dame " ah si in l acouto , in iro y minger tous les jurs"

l' dame " ouais pi y a pas d' vaisselle à faire"

dins ch' café ché l' flot incessant d' personnes qui rintent et qui sortent

"un paquet d' malboro siou plait" , chti chi i rinte i print meme pas la peine d artirer sin casque, faut dire qui m' donne caud

"armets nous la meme chosse "
"alors t as gagné"
" i m' manque l' 3, i fini chinquième"

à vire su ché zaffiches publicitaires de Paris Match j' cro bin, Elise Lucet , figure graffe, ale a du maux à viffe l' décés d' sin ex compagnon ........

sur eune aut' affiche in s' projette déjà sul' mariache du prince Albert de Monaco et d'es' compane nageusse , qui est froite comme un congélateur

sul' trottoir té vois ché gins qui passent à pied, pi souvint , à nous vire à l intérieur derriere un verre d' mousse, i s arretent et i viennent aussi boire eune pinte

j' vo aussi passer such' trottoir des matrones qui ont bin du mau à avincher sous l' caleur qu ale est suffocante

in restero bin là, affalé dins l' banquette, mais cha s'ro pas raisonnape, faut s arsaquer d'là et poursuive sin ch'min

ché bistrots d'el plache Marmotant ej les ai bien connu .
suit me in va aller faire l' tournée.
in va quemincher par aller ej jéter eune paires demis au café d' la jeunesse pas ch'ti d'asteur ch'ti qui éto à côté d'l'école, allez in traverse l'route in va aller in boire deux ou trois à mo d'Autriche ché Marie Claude, in retraverse l' route et in va ché min camarate Fernand au Galopin.
si té tiens la chopine in va aller in boire eune paire au 421 à l'occasion si té n'vo pas doupe in pourra faire un billard et si té sait canter in pourra aller faire un karaoké in face au Mac even
ej sait que si des gins qui font parti d' la lique anti alcoolique vont lire cha i vont s'arracher leurs caveux in lisant cha. mais tant pis. qui sachent bien que l'tournée la ej l'ai faite pus d'un cop, pus d'deux. ej vieillit j'em su assagi mais es fos j'ardeminte.
dins l' temps eune guinse cha n' s'improvisot pas pas comme les jones d'asteur qui vont acater un pack d' 24 canettes et saouler la g.. l' pus vite possipe. nan eune guinse ché pas cha té part d'un point donné par conséquent un bistrot et té continue tin quémint au gré des rincontre.
ej va m'arrêter la pour pas qu'in m'accuse d' faire l'apologie d' l'alcool
asteur j'em console in ravisant l'film "un singe en hiver" in buvant du....jus d'fruit ou du thé glaché.
comme dit l'aute i n' faut pas brûler l'fichelle par les deux bouts sinan....