in armontant ch' boulevard cor

cha y est in arriffe au niveau du premier crois'mint, su la gauche ché cor d anciennes masons

in arriffe au carrefour avec le Sentier Lebrun et la rue de Nantes, là in va cottoyer jusqu au crois'mint avec la rue de Boulogne, des masons anciennes et des masons nouvelles

bin sur in passe devant "la mason qui bale" , ché impressionnant, parait qu ale est montée sur des piquets in fer et ché pour cha que contrair'mint au proverpe, meme si ale bale ché pas sur qu ale va querre

juste aprés la mason qui bale, d' anciens commerces asteure fermés aux vitrines désertées

in passe asteure devant les locaux de Radio Bruaysis, un peu plus loin su la gauche on devine plutot qu in vo l'terril du 3


i fait toudis aussi lourd et poite , ché irrespirape, comme diro l' aute "sale temps pour les bietes grasses"

la pente ale armonte un peu asteure eune fo aprés l' carrefour mais cha n a rin à vire avec les dénivelés qu in a connu jusqu au carrefour avec la rue de Nantes

les deux commerces que minloute i parle chéto ché les frères Vigreux

ch'ti à côté d'el mason qui bâle chétot eune épicerie à mo Andrée

à côté chéto s' belle soeur un pressing à mo Simone.

l'homme d'l'épicerie chéto un électricien i travaillot au magasin d' l'éctroménager qui éto situé dins l' côte du 3.

ché li qui nous a monté not'tupe à néon quand in resto rue Basly.

j'em souviendrai toudis d'ses paroles quand i a finit d'el monter i nous a dit: attention cha n's'allume pas toute suite.
be ouais in n'savo pas que cha faisot des éclairs avant qui s'allume.

chétot pratique pour nous in habitot juste in face quand i manquot tit'cose pour minger ou pour porter des loques à nettoyer pas besoin d'aller ale porte Nord qui éto cor loin d' sortir d' terre.

nous autes rue Basly in avot tous comme in dit asteur tous les commerces d' proximité qui malheureusemint on tous périclités à part ch' bureau d'toubac à côté d'ché Poquet Daniel.
j'éto copains avec leur garchons Eric et Hervé.

à propos d'el mason qui bâle i a quiquin qui a écrit que l'homme i louot des apparels électroménagers j'en dit pas que ché faux mais cha m'étonnero

à coté , dinch' ronfonch' mint, chéto l'ancien garde barrière quand l' pont d'el fosse 3 qui n'existot pas et qui n'existe pu.

chéto monsieur Barbeau silicosé à 100 pour 100 quand in allot a s'mason i étot toudis assis à côté d'sin baque à chinte ché la que mes parints allotent mucher mes juets quand ej croyo cor au père noël, sin garchon i éto monteur d'antennes ché Plouviez. Anatole i nous inmeno avec s' femme Michelle ses deux files Isabelle morte dins un accident tragique in moto in 1979 et Christelle dins s'403 l' diminche piqueniquer à Claire marée.

cor merci à minloute pour ché photos sans l' savoir i m'a armué m'"boite" à souv'nirs dins un sens cha m'rassure j'en su pas cor atteint d'Alzheimer.
quoiqu'in parlant d'cha j'ai un doute j'em' souvient pus d'min prénom.
m'garnoule m'appelle chéri sur tous les sites qu'ej va ché nounours cha dot ete pour cha. cha dot ete Jean Paul du moins ej cro.