là où est l' écureule ....
par minloute le, 04/07/2011bin pour ch' coup chi, "l' écureule" y est au coin de du qui yavo dans l' temps les batimints des ateyiers du Siège 1 d' Bruay
qui qui n a pas eu sin livret d' caisse d' éparne couleur rouche ?
quequ' fos chéto donné à l' infant en meme temps que s' boite d' dragées ...... j' exagère à peine ...
ché là que cha allo fructifier (in dijo pas "capitaliser" ) durant toute s' n' infance et comme in dijo " d' toute fachon in'aura b'soin pour commincher dans la vie"
ch' livret chéto d' sur qui yavo "ché zéconomies", chéto du sérieux
d' ailleurs j' me souviens d' l' ambiance feutrée qui yavo dins ch't agence là, cha détonno meme par momint avec ché clients, pasque quéqu' fos t in avo un qui rintro là d' dins i djo bonjur ichi comme si i rintro dins l' salle d' attente du dispensaire ou à mon dech' boucher ché Omer rue Anatole France .....
nan nan, ichi chéto du sérieux , in parlo à voix basse, in parlo soussous, in parlo tout douch' mint, in chuchotto plutot qu in' n' parlo ..
et j' peux vous dire que cha a été pour certain un sacré apprentissache
j'me souviens cor del tiete d un des guichetiers quand qui avo quéqu un qui commincho à engager la conversation avec un camarate qui éto soit dins l meme file d attinte , soit dins l' file d' à coté , i levo les ziux au ciel, du ginre à s' dire "mais i s' cro où chtilale"...
ch' guichetier y avo simplemint oublié que si y éto là , as' plache , chéto grace à tous ché clients, et in n' a qui avotent te pas été longtimps à l école et qui zétotent plus à leurs aises sul' daine au fond, que sul' surface moquettée qui yavo au sol
ouais mes gins, ché cha aussi qui éto , qui faijo très moderne, chéto que chéto moquéttée .........
té pouvo marcher d' sur avec tes gros godillots , cha faijo pas d' bruits
chéto l' meme rituel, in intindo sag'mint sin tour, enfin quand que j' dis sag'mint , cha dépindo des clients qui arrivotent quequ' fos avec plusieurs carnets, ou qui voulotent bin s' renseigner sur des opérations ou des transferts d' argint, j' vous parle du temps du qui avo cor pas mal d' mineurs et qu' ché pinsions completes ale quéyo cor .........................
in laisso un met' dins l' file , entre ch' premier qui attindo et chti qui éto au comptoir, in s' ro cru un peu savez comme à confesse ...
chéto pas "quo qu' zavez fauté", nan chéto "combien vous zartirez , ou combien vous versez"
et là , j' vous parle au tout début des années 80, in voyo ch' guichetier, buquer su les touches d un ordinateur, chéto assez long pour s afficher, i arvierifio, certains cor un coup pour et' sur d' pas s' tromper
(j' me souviens qui n a un , min père i l évito, chéto eune longue prone, i metto deux fos plus d' temps qu' les zautes )
enfin i ouvro ch' livret in deux, il' metto dins l' imprimante, et l opération al' s inscrivo d' sul feule, chéto vraimint impressionnant pour l époque ......
après i montro discret'mint la line qui veno d ete écrite such'carnet à chti qui éto ach' comptoir, et aprés tout parel discretemint , in tout cas aussi discret'mint qu' possipe, i compto i arcompto et i raarcompto ché billets qui donnot à ché gins
ché gins j' me souviens i dijotent merci, min père i dijo , pourquo qui dissent merci, ché leu argint tout d' meme ........
aprés cha y est chéto un soulag'mint pour l' personne qui veno d'ringer ché billets dins sin portefeule pi aprés dins sin sac
en partant ale faijo des ptits sines à des gins qu ale arconnaisso d' dins l' file d attinte
et eune fo, dehors, eune fo à nouveau au contaque du bruit des carettes,et d' l' air frais , ale éto cor soulagée
et meme si ale ralo qu ale avo intindu longtimps à l intérieur d' la caisse d éparne, cha l impecho pas aprés d' tailler eune babelle avec quéqu un qu ale rincontro such' trottoir
Ben Ouais Minloute
Ch'livret d'caisse d'éparne y'éto ouvet à l'naissance d'un tiot.
Chéto offert par el mairie généralmint. Y méttote 100 bales ed sus.
Tient tant qu'ech té tient Minloute, concernant el fabrique ed gauffre, cha a bin été confirmé par sopraniste qu'y a fait une excellent enquête d'investigations mais ché mi qu'y a souvé ech lièfe au départ car gramint son quéeu sur el cul quand j'ai annonché cha.
Rindons à César esse qui appartient à César.
Asteur faut arrêter avec el cité des électriciens passe que t'a va donné à ché gins l'invie d'allé vire sur plache.
( 1 photos)