armontée dinch' nord 2

cha y est ché ch' bon wagon, j a vérifié,m' plache ché chelle lale, merte ché coté couloir

terripe coté couloir dins ch' TGV, pasque j' sais pas commint qui font ché gins, mais ché un sacré foutoir

d' abord avant ch' départ , t as dro à "ichi ché m' plache" "nan madame mi j a bin voiture 15 place 36" et l'dame "bin mi aussi" ti té li dit "ravisez vot' billet madame" ....

ale ravisse , elle ch' est voiture 16 place 36, alors là que déjà ale bloquo ch' passache faut qu ale arfasse demi tour alors là si ti té djà assis à eune plache couloir té fait attintion , té mets un casque ...

ouais ché un coup à archevoir un coup d' sac à main , d' sac à dos, que l' dame ale s artourne et qu' at' dit "escusez me j' la pas fait expres"

que t as invie d' li dire "minquero pu que té l a fait expres j' t'explosse eut'guiffe"

après y a ché gins qui trouvent te pas leu plache, faut dire qu avec ché fauteuls qui ont été créés par le couturier Lacroix , ch' numéro y est marqué in pitit au miyeu des sieches ............

sans parler des gins qui ont des valisses avec des poids que té pourro teut'minder si in va pas les arvire un jur dans l émission "faites entrer l accusé" pasqui zauront transporté dins leu sacs, l' cadave découpée d' leu conjoint

aprés t as ché gins qui montent dins l' tgv , qu in leur dit que seuls ché gins qui ont un billet i doivent monter mais qui montent quand meme, et qui immerdent les passagers derriere li qui voudrotent acceder à leu plaches, mais que li i donne ché dernieres arcommandations et que bin sur cha li vient d un coup qui faut qui déchinte , et que là faut l' laisser passer, qui a peur d' rester dinch' train .....

après y a ché gins qui ont mi leu sacs in plache, et qui veulent ardéchinte pour aller finquer eune derniere cigarette .........

tout cha en 7 mineutes d' temps pasque cha y est j intinds l' annonce du départ , et in plus cha comminche à sonner am' n orele ....................

ch' controleur dont in intind l' vox par le gros parleur, i est du nord cha ché sur, i dit normal'mint Arras, Lens, mais i dit Bétheune, Haz'brouk, et dinkeurque ..............

que cha fait du bien d intinte l' accent du nord, comme eune délivrance ...

cha y est ch' train i démarre, zallez dire asteure ché calme...............

mais nan mes gins, y a l' dame qui éto persuadé d'et' dins l' voiture 15 place 36 , qu ale eto partie du mauvais coté, am'mote qu ale du faire l' meme scandale voiture 14 place 36, qu'ale artraverse ch' couloir, sac à main d un coté et in tirant vaille que vaille s' valisse à roulettes qui va v'nir écorcher n importe quel genou qui auro eu l' mauvaisse idée d' pas rester bin sache juste derriere l' sieche qui t' précéde

ya toudis aussi des espécialistes du bougeage, savez ceux qui restent pas in plache , que té vo passer dans un sens, arpasser d' l aute , pi arpasser juste aprés ....

sans parler bin seur , eune fo que les quarantiemes rugissants i sont passés, y a ché gins qui vont s'léver pour aller picher, ou ceux qui vont partir à la rechercher hypothétique d' eune voiture bar du qui pourront boire un café

pas d' chance pour ti, in n a pas toudis sul' ligne

à coté d'mi , y a un jone qui ravisse su' n écran un film d' mangas en 3 d , pi tout douch'mint cha comminche à s' calmer, y a pu grand monte qui essaye d' passer dins l' couloir sans trop berloquer , in va pouvoir passer au voyache propremint dit